നെടുങ്കണ്ടം: കിലോക്കണക്കിന് കാരറ്റും വഴുതനയും വിളവെടുത്ത് നെടുങ്കണ്ടം സെന്റ് സെബാസ്റ്റ്യൻസ് യുപി സ്കൂൾ വിദ്യാർഥികൾ കൃഷിയിലും തങ്ങളുടെ പ്രാഗത്ഭ്യം തെളിയിച്ചു. സ്കൂളിലെ ജൈവ പച്ചക്കറി തോട്ടത്തിലെ വഴുതന, കാരറ്റ് എന്നിവയുടെ വിളവെടുപ്പ് നടന്നു. സ്കൂൾ മുറ്റത്ത് പ്രത്യേകമായി ഒരുക്കിയിരിക്കുന്ന കൃഷി പാഠശാലയിലാണ് വിദ്യാർഥികൾ കൃഷിയും ഒരു പാഠമാക്കി മാറ്റുന്നത്. ഒഴിവുസമയങ്ങളിലാണ് കൃഷി നടത്തുന്നത്. മണ്ണിര കന്പോസ്റ്റ്, ചാണകം തുടങ്ങിയ ജൈവ വളങ്ങളാണ് കൃഷിക്ക് ഉപയോഗിക്കുന്നത്. സെലറി, ലെറ്റ്യൂസ്, പമോയി, ആർട്ടിചോക്ക്, പച്ചമുളക് തുടങ്ങി വിവിധയിനം പച്ചക്കറികളാണ് കൃഷിചെയ്യുന്നത്. ഇവിടെനിന്നും ലഭിക്കുന്ന വിഭവങ്ങൾ സ്കൂൾ ഉച്ചഭക്ഷണ പരിപാടിയിൽ ഉൾപ്പെടുത്തുകയാണ്.
വിളവെടുപ്പിന്റെ ഉദ്ഘാടനം ഹെഡ്മാസ്റ്റർ ലിജി വർഗീസ് നിർവഹിച്ചു. അധ്യാപകരായ മേരി ജോസഫ്, വി.ഡി. ഏബ്രഹാം, സൂര്യ മാത്യു, റിനു ചാക്കോ എന്നിവർ നേതൃത്വംനൽകി.
നെടുങ്കണ്ടം സെന്റ് സെബാസ്റ്റ്യനിൽ മഹാ വിളവെടുപ്പ്
10:10 PM Nov 04, 2018 | Deepika.com