മട്ടാഞ്ചേരി: ഫോര്‍ട്ടുകൊച്ചി കമാലക്കടവില്‍ റോ-റോ ജെട്ടിക്ക് സമീപം സ്വകാര്യ ബസുകളുടെ അനധികൃത പാര്‍ക്കിംഗ് നിയന്ത്രിക്കാന്‍ സബ് കമ്മിറ്റിക്ക് രൂപം നല്‍കാന്‍ കൊച്ചി താലൂക്ക് വികസന സമിതിയില്‍ തീരുമാനം.
പോളക്കണ്ടം മാര്‍ക്കറ്റിലെ ഗതാഗത തടസത്തിന് കാരണമാകുന്ന തരത്തിലുള്ള കൈയേറ്റങ്ങള്‍ ഒഴിപ്പിക്കാനുള്ള സബ് കമ്മിറ്റിക്കും രൂപം നല്‍കും. നവമ്പര്‍ മാസത്തില്‍ പട്ടയമേള തടത്താനായി തയാറെടുപ്പുകള്‍ നടന്നുവരുന്നതായി തഹസില്‍ദാര്‍ കെ.വി. ആംബ്രോസ് യോഗത്തില്‍ അറിയിച്ചു.
ഞാറക്കല്‍ സ്റ്റേഷന്‍ പരിധിയില്‍ ജനങ്ങളുടെ ഉറക്കം കെടുത്തിയ മോഷ്ടാവിനെ പിടികൂടിയ പോലീസ് സംഘത്തെയും യോഗം അഭിനന്ദിച്ചു. യോഗത്തില്‍ ആര്‍. ത്യാഗരാജന്‍ അധ്യക്ഷത വഹിച്ചു. ഡെപ്യൂട്ടി തഹസില്‍ദാര്‍മാരായ സുരേഷ് കുമാര്‍, പി.ടി. വേണുഗോപാലന്‍ എന്നിവര്‍ സംസാരിച്ചു.
സ്വകാര്യ ബസുകളുടെ അനധികൃത പാര്‍ക്കിംഗ് തടയാന്‍ സബ് കമ്മിറ്റി
02:03 AM Nov 04, 2018 | Deepika.com