ചൂട്ടയിൽ കൊട്ടാരം സ്കൂളിൽ പച്ചക്കറി കൃഷി
01:17 AM Nov 04, 2018 | Deepika.com
തിരുവനന്തപുരം: കിളിമാനൂർ ചൂട്ടയിൽ കൊട്ടാരം സ്കൂളിൽ പച്ചക്കറി കൃഷിക്കു തുടക്കമായി. സ്കൂൾ മാസ്റ്റർ പ്ലാനിൽപ്പെടുത്തിയാണു പദ്ധതി നടപ്പാക്കുന്നത്. കുട്ടികൾ ശേഖരിച്ചുകൊണ്ടുവന്ന വിവിധ നാടൻ പച്ചക്കറികളുടെ പ്രദർശനവും നടന്നു. പഞ്ചായത്ത് പ്രസിഡന്റ് എസ്. രാജലക്ഷ്മി അമ്മാൾ പരിപാടി ഉദ്ഘാടനം ചെയ്തു. കിളിമാനൂർ കൃഷിഭവനാണ് തൈകളും വിത്തുകളും നൽകിയത്. കുട്ടികളുടെയും അധ്യാപകരുടെയും നേതൃത്വത്തിലാണു കൃഷി. സ്കൂളിൽ നടന്ന പരിപാടിയിൽ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എസ്.എസ്. സിനി, കൃഷി അസിസ്റ്റന്റ് സി. ജോയി, പഞ്ചായത്ത് അംഗങ്ങൾ എന്നിവർ പങ്കെടുത്തു.