തിരുവനന്തപുരം: ഈ വർഷത്തെ ശിശുദിന സ്റ്റാന്പിന്റെ രൂപകൽപ്പനക്കായുള്ള മത്സരത്തിൽ അനീറ്റ് സാലുവിന് ഒന്നാം സ്ഥാനം. തിരുവനന്തപുരം കവടിയാർ നിർമലഭവൻ ഹയർ സെക്കൻഡറി സ്കൂളിലെ ഏഴാം ക്ലാസ് വിദ്യാർഥിയായ അനീറ്റിന്റെ ഇരട്ട സഹോദരൻ അദീപ് സാലുവും മികച്ച ചിത്രകാരനാണ്.
നവകേരള സൃഷ്ടിക്കായി നമുക്കൊരുമിക്കാം എന്നതായിരുന്നു ഇത്തവണ ചിത്ര രചനാ വിഷയം റവന്യൂ ജില്ലാ സ്കൂൾ കലോത്സവങ്ങൾ തുടങ്ങി ഒട്ടേറെ മത്സരങ്ങളിൽ അനീറ്റും അദീപും സമ്മാനങ്ങൾ നേടിയിട്ടുണ്ട്.മുൻ മന്ത്രി അനൂപ് ജേക്കബിന്റെ പേഴ്സണൽ സ്റ്റാഫ് അംഗമായിരുന്ന കോതമംഗലം കോയിക്കകുടി സാലു ജോസഫിന്റെയും ഇടുക്കി അടിമാലി മടച്ചിപ്പാവിൽ സിൽവി സാലുവിന്റെയും മകനാണ് അനിറ്റ് സാലു.
ലളിതകലാ അക്കാദമി ചെയർമാൻ നേമം പുഷ്പരാജാണ് മികച്ച വര തെരഞ്ഞെടുത്തത്.
14 ന് തിരുവനന്തപുരം കനകക്കുന്ന് നിശാഗന്ധി ഓഡിറ്റോറിയത്തിൽ നടക്കുന്ന ശിശുദിന സമ്മേളനത്തിൽ ഗവർണർ റിട്ട.ജസ്റ്റീസ് പി. സദാശിവം സമ്മാനം വിതരണംചെയ്യുമെന്ന് ശിശുക്ഷേമ സമിതി ജനറൽ സെക്രട്ടറി എസ്.പി. ദീപക് അറിയിച്ചു.
ശിശുദിന സ്റ്റാന്പ് : അനീറ്റ് സാലുവിന്റെ ചിത്രം തെരഞ്ഞെടുത്തു
01:14 AM Nov 04, 2018 | Deepika.com