കൽപ്പറ്റ: കൊച്ചുതറയിൽ ടി. കേശവൻ സ്മാരക എവർ റോളിംഗ് ട്രോഫിക്കായുള്ള ജില്ലാ സീനിയർ, ജൂണിയർ ചെസ് ടൂർണമെന്റ് ആറിനു സുൽത്താൻ ബത്തേരി എൽഐസി ഹാളിൽ നടത്തുമെന്നു സംഘാടക സമിതി ഭാരവാഹികളായ കെ. ദാസ്, വി.പി. ബോസ്, വി.ആർ. സന്തോഷ്, കെ. രാജു എന്നിവർ വാർത്താസമ്മേളനത്തിൽ അറിയിച്ചു. രാവിലെ 10നു ബത്തേരി നഗരസഭ ചെയർമാൻ ടി.എൽ. സാബു ഉദ്ഘാടനം ചെയ്യും. വൈകുന്നേരം അഞ്ചിനു സമാപന സമ്മേളനം ഉദ്ഘാടനം ബത്തേരി നഗരസഭ വികസനകാര്യ സ്റ്റാൻഡിംഗ് കമ്മിറ്റി ചെയർമാൻ സി.കെ. സഹദേവൻ നിർവഹിക്കും. കലാക്ഷേത്ര പ്രിൻസിപ്പൽ പീറ്റർ പെരിങ്ങാട്ടേൽ സമ്മാനവിതരണം നിർവഹിക്കും.
കുട്ടികളിൽ ചെസ് കളിയിൽ ആഭിമുഖ്യം വളർത്തുകയെന്ന ലക്ഷ്യത്തോടെയാണ് ടൂർണമെന്റ് സംഘടിപ്പിക്കുന്നതെന്നു ഭാരവാഹികൾ പറഞ്ഞു. ജൂണിയർ, സീനിയർ വിഭാഗങ്ങളിലായി മുപ്പതിലധികം ഫിഡെ റേറ്റഡ് താരങ്ങൾ ഉൾപ്പെടെ പങ്കെടുക്കും. സീനിയർ താരങ്ങൾക്കു പ്രൈസ് മണിയും ജൂണിയർ താരങ്ങൾക്കു ട്രോഫിയും മെഡലും സമ്മാനിക്കും. വിശദവിവരത്തിനു ഫോണ്: 9605020305, 9744056901.
ടി. കേശവൻ സ്മാരക ചെസ് ടൂർണമെന്റ് ആറിന്
11:54 PM Nov 03, 2018 | Deepika.com