തിരുനാളിന് കൊടിയിറങ്ങി
11:54 PM Nov 03, 2018 | Deepika.com
പുൽപ്പള്ളി: സെന്റ് ജോർജ് യാക്കോബായ സിംഹാസന കത്തീഡ്രൽ ദേവാലയത്തിൽ പരിശുദ്ധ പരുമല തിരുമേനിയുടെ ഓർമ്മപെരുനാളിന് കൊടിയിറങ്ങി. സമാപന ദിനമായ ഇന്നലെ നടന്ന തീർത്ഥയാത്രയ്ക്ക് ഇടവകാംഗങ്ങളുടെ നേതൃത്വത്തിൽ സ്വീകരണം നൽകി. തുടർന്ന് നടന്ന വിശുദ്ധ മുന്നിമേൽ കുർബ്ബാനയ്ക്ക് മലബാർ മെത്രാപ്പോലീത്താ അഭിവന്ദ്യ സഖറിയാസ് മോർ പോളികാർപ്പോസ് മുഖ്യ കാർമ്മികത്വം വഹിച്ചു. പെരുന്നാൾ ശുശ്രൂഷകൾക്ക് പൗലോസ് കോർ എപ്പിസ്ക്കോപ്പ നാരകത്ത്പുത്തൻപുരയിൽ, ഫാ.റെജി പോൾ ചവർപ്പനാൽ, ഫാ.സജി ചൊള്ളാട്ട്, ഫാ.ബേബി ഏലിയാസ് കാരക്കുന്നേൽ, ഫാ.ഷൈജൻ കുര്യാക്കോസ് മറുതല, ഫാ.ജോണ് മാരിയിൽ, ഫാ. ബേസിൽ കരനിലത്ത്, ഫാ.അനിൽ കൊമരിക്കൽ എന്നിവർ നേതൃത്വം നൽകി.