കൽപ്പറ്റ: പട്ടികവർഗ സുസ്ഥിര വികസന പദ്ധതിയുടെ ഭാഗമായി കുടുംബശ്രീ ജില്ലാ മിഷനു കീഴിൽ ആരംഭിക്കുന്ന സൗജന്യ പിഎസ്സി ക്രാഷ് കോഴ്സിന് ബിരുദധാരികളായ പട്ടികവർഗക്കാരിൽനിന്നു അപേക്ഷ ക്ഷണിച്ചു.
താത്പര്യമുള്ളവർ കുടുംബശ്രീ ആനിമേറ്റർമാർ വഴിയോ നേരിട്ടോ യോഗ്യത തെളിയിക്കുന്ന സർട്ടിഫിക്കറ്റിന്റെ പകർപ്പുസഹിതം പത്തിനകം അപേക്ഷിക്കണം.
പ്രമാണങ്ങൾ കൈപ്പറ്റണം
കൽപ്പറ്റ: സംസ്ഥാന ഭവന നിർമാണ ബോർഡ് നടപ്പാക്കിയ മൈത്രി, രാജീവ് ദശലക്ഷം ഭവന പദ്ധതികളിൽ എഴുതിത്തള്ളിയ വായ്പകളിൽ, പണയപ്പെടുത്തിയ ആധാരവും മറ്റുരേഖകളും 30നകം തിരിച്ചറിയൽ കാർഡ് സഹിതം മീനങ്ങാടിയിലെ ബോർഡ് ഓഫീസിൽ നേരിട്ട് ഹാജരായി കൈപ്പറ്റണമെന്നു അധികതൃതർ അറിയിച്ചു.
നാവികസേനാ ഉദ്യോഗസ്ഥരുടെ സിറ്റിംഗ്
കൽപ്പറ്റ: നാവികസേനാംഗങ്ങളുടെയും വിധവകളുടെയും പെൻഷൻ സംബന്ധമായ പരാതികൾ കേൾക്കുന്നതിനും പുതിയ ക്ഷേമ കാര്യങ്ങൾ വിശദീകരിക്കുന്നതിനും ഏഴിമലയിൽനിന്നുള്ള നാവികസേനാ ഉദ്യോഗസ്ഥർ നാളെ ജില്ലാ സൈനികക്ഷേമ ഓഫീസിൽ ക്യാന്പ് ചെയ്യും.
പട്ടികവർഗക്കാർക്കു പിഎസ് സി ക്രാഷ് കോഴ്സ്
11:52 PM Nov 03, 2018 | Deepika.com