മാനന്തവാടി:ദിവസങ്ങളായി കൊയിലേരി പ്രദേശത്തു ശല്യം ചെയ്തിരുന്ന പെരുന്പാന്പിനെ പിടികൂടി.
മീൻകൊല്ലി പന്പ്ഹൗസിന് സമീപത്തുനിന്നു ഇന്നലെ ഉച്ചയോടെയാണ് പാന്പിനെ പിടിച്ചത്. ഏകദേശം മൂന്നു മീറ്റർ നീളവും 15 കിലോ തൂക്കവുമുള്ള പാന്പിനെ വനപാലകരുടെ സാന്നിധ്യത്തിൽ സുജിത്ത് വയനാടാണ് പിടികൂടിയത്. പാന്പിനെ പിന്നീടു വനത്തിൽ വിട്ടു.
സായാഹ്ന ധർണ നടത്തി
കൽപ്പറ്റ: ത്രിപുരയിലെ ഇടതുപക്ഷ അധ്യാപക പ്രസ്ഥാനത്തിന്റെ നേതാവ് അമിയാ ദാസിന്റെ കൊലപാതകത്തിൽ പ്രതിഷേധിച്ച് കേരള സ്കൂൾ ടീച്ചേഴ്സ് അസോസിയേഷൻ ജില്ലാ കമ്മിറ്റിയുടെ ആഭിമുഖ്യത്തിൽ പ്രതിഷേധ സായാഹ്ന ധർണ നടത്തി.
കൽപ്പറ്റ എച്ച്ഐഎം യുപിസ്കൂൾ പരിസരത്ത് നടന്ന ധർണ സംസ്ഥാന സെക്രട്ടറി ബി. സുരേഷ് ഉദ്ഘാടനം ചെയ്തു. ജില്ലാ കമ്മിറ്റി വൈസ് പ്രസിഡന്റ് പി.സി. വത്സല അധ്യക്ഷത വഹിച്ചു.
സംസ്ഥാന കമ്മിറ്റിയംഗം വി.എ. ദേവകി, ജില്ലാ വൈസ് പ്രസിഡന്റ് കെ. അശോക് കുമാർ, ജില്ലാ സെക്രട്ടറി പി.ജെ. ബിനേഷ്, ജില്ലാ ട്രഷറർ പി.വി. ജയിംസ് എന്നിവർ പ്രസംഗിച്ചു.
പെരുന്പാന്പിനെ പിടികൂടി
11:52 PM Nov 03, 2018 | Deepika.com