കടുത്തുരുത്തി: അയ്യങ്കാളി നയിച്ച വില്ലുവണ്ടി യാത്രയുടെ 125-ാം വാർഷികത്തിന്‍റെ സമാപനം (സ്മൃതിപഥം-2018) കെപിഎംഎസ് കടുത്തുരുത്തി യൂണിയൻ കമ്മിറ്റിയുടെ നേതൃത്വത്തിൽ നാളെ കടുത്തുരുത്തിയിൽ നടത്തും.
മൂന്നിന് ആപ്പാഞ്ചിറയിൽ നിന്ന് കടുത്തുരുത്തി യൂണിയന്‍റെ ആഭിമുഖ്യത്തിൽ സാംസ്കാരിക ഘോഷയാത്ര ആരംഭിക്കും.
വൈകൂന്നേരം അഞ്ചിന് കടുത്തുരുത്തി കമ്മ്യൂണിറ്റി ഹാൾ അങ്കണത്തിൽ നടക്കുന്ന സാംസ്കാരിക സമ്മേളനം മോൻസ് ജോസഫ് എംഎൽഎ ഉദ്ഘാടനം ചെയ്യും. യൂണിയൻ പ്രസിഡന്‍റ് സി.കെ. ബിജു ചന്ദ്രൻപറന്പിൽ അധ്യക്ഷത വഹിക്കും. എഴുത്തുകാരൻ സണ്ണി എം. കപിക്കാട് മുഖ്യപ്രഭാഷണം നടത്തും.
വില്ലുവണ്ടി യാത്രയുടെ വാർഷികം നാളെ
11:46 PM Nov 03, 2018 | Deepika.com