നെടുങ്കണ്ടം: കുടുംബശ്രീ അംഗങ്ങൾക്കായുള്ള ഒപ്പം പദ്ധതി നെടുങ്കണ്ടം ഗ്രാമപഞ്ചായത്തിൽ ആരംഭിച്ചു. പഞ്ചായത്തിൽ പ്രവർത്തിക്കുന്ന അയൽക്കുട്ടങ്ങളിലെ 326 അഗംങ്ങൾക്ക് ഒപ്പം പദ്ധതിയിലൂടെ 32.6 ലക്ഷം രൂപ വിതരണം ചെയ്തു. പദ്ധതിയുടെ ഉദ്ഘാടനം ജോയ്സ് ജോർജ്് എംപി നിർവഹിച്ചു. കുടുംബശ്രീ ചെയർപേഴ്സൻ ലൂസിയ ജോയി അധ്യക്ഷത വഹിച്ചു.
ജില്ലാ ബാങ്ക് നെടുങ്കണ്ടം ബ്രാഞ്ച് മാനേജർ ഷാജി കെ. ജോർജ്, സഹകരണ പെൻഷൻ ബോർഡ് അംഗം എം. സുകുമാരൻ, നെടുങ്കണ്ടം ഗ്രാമപഞ്ചായത്ത് അംഗങ്ങളായ വിജിമോൾ വിജയൻ, അജീഷ് മുതുകുന്നേൽ എന്നിവർ പ്രസംഗിച്ചു. നെടുങ്കണ്ടം മേഖലയിൽ 2000 കുടുംബശ്രി അംഗങ്ങൾക്ക് ഒപ്പം പദ്ധതിയിലൂടെ സഹായം ലഭിക്കും. പരിപാടിയിൽ കുടുബശ്രീ അംഗങ്ങൾക്കുള്ള ആടുഗ്രാമം പദ്ധതിയുടെ സബ്സിഡി വിതരണം നെടുങ്കണ്ടം സർവീസ് സഹകരണ ബാങ്ക് പ്രസിഡന്റ് എം.കെ. ഗോപിനാഥൻ ഉദ്ഘാടനംചെയ്തു.
വെള്ളത്തൂവൽ: ജില്ലാ കുടുംബശ്രീ മിഷനും ജില്ല സഹകരണ ബാങ്കും സംയുക്തമായി സംഘടിപ്പിക്കുന്ന ഒപ്പം പദ്ധതിക്ക് വെള്ളത്തുവൽ പഞ്ചായത്തിൽ തുടക്കമായി. പഞ്ചായത്ത് കമ്യൂണിറ്റി ഹാളിൽ ഗ്രാമപഞ്ചായത്ത് പ്രസിഡന്റ് ടി.ആർ. ബിജിയുടെ അധദ്ധ്യക്ഷതയിൽ നടന്ന സമ്മേളനത്തിൽ ജോയ്സ് ജോർജ് എംപി പദ്ധതി ഉദ്ഘാടനം ചെയ്തു. ഗ്രാമപഞ്ചായത്ത് വൈസ്പ്രസിഡന്റ് കവിത സന്തോഷ്, കൂടുംബശ്രീ ചെയർപേഴ്സൻ സാറാമ്മ ജോണ് തുടങ്ങിയവർ പങ്കെടുത്തു.
ഒപ്പം പദ്ധതിക്ക് തുടക്കമായി
10:23 PM Nov 03, 2018 | Deepika.com