പാലാ: പാലാ രൂപത കരിസ്മാറ്റിക് നവീകരണം ഒരുക്കുന്ന ദന്പതീസംഗമം ആറിനു രാവിലെ ഒന്പതു മുതൽ 3.30 വരെ ളാലം സെന്റ് മേരീസ് പള്ളിയിൽ നടക്കും. ഫാ. ജോൺസൺ പുള്ളീറ്റ്, ഫാ. വിൻസെന്റ് മൂങ്ങാമാക്കൽ, ഫാ. തോമസ് ഓലായത്തിൽ, ബ്രദർ ജോർജുകുട്ടി മണിമല, ബ്രദർ തോമസുകുട്ടി കുമളി, ബ്രദർ ടോമി ആട്ടപ്പാട്ട് എന്നിവർ നേതൃത്വം നൽകും.
തീക്കോയിയിൽ വിശ്വാസപരിശീലക സംഗമം
തീക്കോയി: സെന്റ് മേരീസ് ഫൊറോനാതല വിശ്വാസ പരിശീലകസംഗമം ഇന്ന് 1.45 ന് തീക്കോയി പാരീഷ്ഹാളിൽ നടത്തും. ഫൊറോന വികാരി ഫാ. ജോസഫ് കിഴക്കേക്കരയുടെ അധ്യതയിൽ ചേരുന്ന സമ്മേളനം രൂപത വിശ്വാസ പരിശീലന ഡയറക്ടർ റവ. ഡോ. തോമസ് മേനാച്ചേരി ഉദ്ഘാടനം ചെയ്യും. ഫ്രാൻസിസ് മാർപാപ്പയുടെ "ആനന്ദിച്ച് ആഹ്ലാദിക്കുവിൻ' എന്ന വിഷയത്തെ ആസ്പദമാക്കി വടവാതൂർ സെമിനാരി പ്രഫസർ റവ. ഡോ. തോമസ് വടക്കേൽ ക്ലാസ് നയിക്കും. മേഖലാ ഡയറക്ടർ ഫാ. കുര്യാക്കോസ് വട്ടമുകളേൽ സ്വാഗതവും ഹെഡ്മാസ്റ്റർ ജോജോ ജോസഫ് പുന്നപ്ലാക്കൽ നന്ദിയും പറയും. തീക്കോയി ഫൊറോനയിലെ എട്ട് ഇടവകകളിൽനിന്നായി 150 ൽപ്പരം വിശ്വാസപരിശീലകർ സംഗമത്തിൽ പങ്കെടുക്കും.
പാലാ രൂപത ദന്പതീസംഗമം ആറിന്
10:09 PM Nov 03, 2018 | Deepika.com