മാലിന്യം തള്ളിയവരെ പിടികൂടി
01:30 AM Nov 03, 2018 | Deepika.com
കാസർഗോഡ്: പുതിയ ബസ്സ്റ്റാൻഡിലെ കാവേരി സ്പെയർ പാർട്സ്, വീ ടു ബേക്കറി, മിർച്ചി അങ്ങാടി എന്നീ വ്യാപാരസ്ഥാപനങ്ങളിലെ മാലിന്യം ബസ് സ്റ്റാൻഡിലെ കിണറിനു സമീപം തള്ളിയത് നഗരസഭ ഹെൽത്ത് സ്ക്വാഡ് പിടികൂടി. സ്ഥാപനത്തിന്റെ ലൈസൻസ് റദ്ദു ചെയ്യുന്നതുൾപ്പെടെയുള്ള നടപടിയുടെ ഭാഗമായാണ് നോട്ടീസ് നൽകിയത്. നായക്സ് റോഡിലെ ദിനേശ് ബീഡി കന്പനിക്ക് സമീപത്തെ ക്രൗൺ ബുക്ക്സ് എന്ന സ്ഥാപനത്തിൽ നിന്നുള്ള മാലിന്യം സമീപത്തെ വീട്ടുപറന്പിൽ നിക്ഷേപിച്ചത് പിടികൂടി. കൂടാതെ നായക്സ് റോഡിൽ താലൂക്ക് ആശുപത്രിക്ക് പിന്നിൽ ബൈക്കിൽ കൊണ്ടുവന്നു തള്ളിയ നാരായണനെയും പിടികൂടി.