മാലിന്യങ്ങളുമായി വന്ന ലോറി നാട്ടുകാർ തടഞ്ഞു
01:25 AM Nov 03, 2018 | Deepika.com
പെരുന്പടവ്: തളിപ്പറന്പ് കൂർഗ് ബോർഡർ റോഡിൽ നാടുകാണി പ്ലാന്റേഷൻ കോർപറേഷൻ ഉടമസ്ഥതയിലുള്ള സ്ഥലത്ത് മാലിന്യങ്ങൾ തള്ളിയ ലോറി നാട്ടുകാർ പിടികൂടി. ഇന്നലെ ഉച്ചയോടെയാണു പ്ലാന്റേഷൻ കോർപറേഷന്റെ പരിധിയിലുള്ള ആളൊഴിഞ്ഞ സ്ഥലത്ത് ടിപ്പർ ലോറിയിൽ മാലിന്യങ്ങൾ കൊണ്ടുവന്നു തള്ളിയത്. നാട്ടുകാർ ഇത് പിടികൂടുകയും ടിപ്പർ ലോറി തടഞ്ഞുവയ്ക്കുകയും ചെയ്തു. ചപ്പാരപ്പടവ് ഗ്രാമപഞ്ചായത്ത് സെക്രട്ടറിയെയും തളിപ്പറന്പ് പോലീസ് സ്റ്റേഷനിലും വിവരം അറിയിച്ചതിനെ തുടർന്ന് പോലീസ് കേസെടുത്തു.