സ്കൂൾ മുറ്റത്ത് ഇനി ജൈവപച്ചക്കറിയും
01:16 AM Nov 03, 2018 | Deepika.com
തൊണ്ടിയിൽ: തൊണ്ടിയിൽ സെന്റ് ജോൺസ് യുപി സ്കൂളിൽ എഡിഎസ്യു വിന്റെ നേതൃത്വത്തിൽ ജൈവ പച്ചക്കറിത്തോട്ടം നിർമിച്ചു. കുട്ടികൾ വീടുകളിൽ നിന്ന് കൊണ്ടുവന്ന വിത്തുകൾ വിതച്ച് മുഖ്യാധ്യാപകൻ പദ്ധതിക്ക് തുടക്കം കുറിച്ചു. വിഷരഹിത പച്ചക്കറിത്തോട്ടം എന്ന ലക്ഷ്യം മുൻനിർത്തിയാണ് പദ്ധതി നടപ്പാക്കുന്നത്. പച്ചക്കറിത്തോട്ടം നിർമാണത്തിന് അധ്യാപകരായ ജാക്സൺ മൈക്കിൾ, പി.എ. ജയ്സൺ, പ്രിൻസി മരിയ, ബീന ജോസഫ്, അബ്ദുൽ റഷീദ് തുടങ്ങിയവർ നേതൃത്വം നൽകി.