പുതുപ്പള്ളി: മിനി സിവിൽ സ്റ്റേഷൻ പദ്ധതിയുടെ തറക്കല്ലിടീൽ ഇന്ന് പത്തിന് മുൻമുഖ്യമന്ത്രി ഉമ്മൻചാണ്ടി നിർവഹിക്കും. പദ്ധതി യഥാർഥ്യമാകുന്നതോടെ പഞ്ചായത്തിന്റെ പലഭാഗത്ത് സ്ഥിതി ചെയ്യുന്ന സർക്കാർ ഓഫീസുകൾ ഒരു കുടക്കീഴിലാകും.
എംഎൽഎയുടെ ആസ്തി വികസന ഫണ്ടിൽ നിന്നുള്ള ഒരു കോടിയും പഞ്ചായത്തിന്റെ 2.43 കോടിയും ചേർന്നാണ് മൂന്ന് നിലകളിലായി മിനി സിവിൽ സ്റ്റേഷൻ നിർമിക്കുന്നത്. പഞ്ചായത്ത് ഓഫീസ്, വില്ലേജ് ഓഫീസ്, ഫുഡ് സേഫ്റ്റി ഓഫീസ്, കൃഷി ഓഫീസ്, സബ് രജിസ്ട്രാർ ഓഫീസ് എന്നിവയാണ് ഒരുമിച്ചാകുക.ബസ് സ്റ്റാൻഡിലെ കമ്യൂണിറ്റി ഹാളിനോടു ചേർന്നുള്ള 1.20 ഏക്കർ സ്ഥലത്താണ് കെട്ടിടം നിർമിക്കുക.
മിനി സിവിൽ സ്റ്റേഷന് ഇന്നു തറക്കല്ലിടും
11:14 PM Nov 02, 2018 | Deepika.com