കട്ടപ്പന: കട്ടപ്പന നഗരസഭയിൽഅയ്യൻകാളി നഗര തൊഴിലുറപ്പ് പദ്ധതി ആരംഭിച്ചു. 17 പ്രോജക്ടുകൾക്കായി 8.78 കോടി രൂപയുടെ പദ്ധതിക്കാണ് അംഗീകാരം ലഭിച്ചിരിക്കുന്നത്. ആദ്യഘട്ടമായി നഗരസഭയിലെ തോടുകളുടെ നവീകരണം, റോഡുകൾക്ക് ഓടനിർമാണം, പിഎംഎവൈ - ലൈഫ് പദ്ധതികൾക്ക് ഭവനനിർമാണ സഹായം എന്നിവയാണ് ഏറ്റെടുത്തിരിക്കുത്. തൊഴിലുറപ്പ് പദ്ധതിയുടെ ഉദ്ഘാടനവും തൊഴിൽകാർഡ് വിതരണവും നടന്നു. കട്ടപ്പന ടൗണ്ഹാളിൽ നടന്ന സമ്മേളനം നഗരസഭ ചെയർമാൻ മനോജ് എം. തോമസ് ഉദ്ഘാടനംചെയ്തു. കട്ടപ്പന നഗരസഭയുടെ അംഗീകാരം ലഭിച്ച വിവിധ പദ്ധതികളിലേക്ക് തെരഞ്ഞെടുക്കപ്പെട്ട നഗരസഭയിലെ 34 വാർഡുകളിലെ തൊഴിലാളികൾക്കാണ് തൊഴിൽðകാർഡുകൾ നൽകിയത്.
നഗരസഭ വൈസ് ചെയർപേഴ്സണ് രാജമ്മ രാജൻ അധ്യക്ഷതവഹിച്ചു. വികസനകാര്യ ചെയർമാൻ ജോയി വെട്ടിക്കുഴി മുഖ്യപ്രഭാഷണം നടത്തി. ക്ഷേമകാര്യ ചെയർപേഴ്സണ് ലീലാമ്മ ഗോപിനാഥ്, പൊതുമരാമത്ത് ചെയർപേഴ്സണ് എമിലി ചാക്കോ, വിദ്യാഭ്യാസ ചെയർമാൻ ബെന്നി കല്ലൂപ്പുരയിടം, ആരോഗ്യ ചെയർമാൻ തോമസ് മൈക്കിൾ, മുൻ വൈസ്ചെയർപേഴ്സണ് ബിന്ദു സെബാസ്റ്റ്യൻ, നഗരസഭാ സെക്രട്ടറി ഇൻചാർജ് വി.ബി. അജിത്കുമാർ തുടങ്ങിയവർ പ്രസംഗിച്ചു.
അയ്യൻകാളി നഗര തൊഴിലുറപ്പ് പദ്ധതി ആരംഭിച്ചു
10:35 PM Nov 02, 2018 | Deepika.com