ചങ്ങനാശേരി : മാതാവിന്റെ എളിമയും വിനയവും സ്വന്തമാക്കണമെന്നും ഇന്നത്തെ വിശ്വാസ വെല്ലുവിളികളെ നേരിടാൻ പ്രാർഥിക്കണമെന്നും ആർച്ച്ബിഷപ് മാർ ജോസഫ് പവ്വത്തിൽ. ലീജിയൻ ഓഫ് മേരി അതിരൂപത കമ്മീസ്യത്തിന്റെ നേതൃത്വത്തിൽ ആർച്ച്ബിഷപ്സ് ഹൗസിലുള്ള ഗ്രോട്ടോയിൽ നിന്ന് പാറേൽ മരിയൻ തീർഥാടന കേന്ദ്രത്തിലേയ്ക്ക് നടന്ന ജപമാലറാലിയിൽ ആമുഖസന്ദേശം നൽകുകയായിരുന്നു ആർച്ച്ബിഷപ്.
പാറേൽ പള്ളിയിൽ റാലി എത്തിച്ചേർന്നപ്പോൾ വികാരി ജനറാൾ മോണ്. ജോസഫ് മുണ്ടകത്തിൽ വിശുദ്ധ കുർബാന അർപ്പിച്ച് സന്ദേശം നൽകി. അതിരൂപതാ പ്രൊക്യുറേറ്റർ ഫാ. ഫിലിപ്പ് തയ്യിൽ, അതിരൂപത ഡയറക്ടർ ഫാ. ജോജോ പുതുവേലിൽ, തോമസ് പാലാത്ര, ജെമിനി കണ്ണംപള്ളി, ജോസുകുട്ടി കരിങ്ങണാമറ്റം,വത്സമ്മ കൂട്ടുമ്മേൽ എന്നിവർ പ്രസംഗിച്ചു.
വിശ്വാസ വെല്ലുവിളികളെ നേരിടാൻ പ്രാർഥിക്കണം: മാർ പവ്വത്തിൽ
11:42 PM Oct 31, 2018 | Deepika.com