വാഴപ്പള്ളി:തിരുവെങ്കിടപുരം മഹാവിഷ്ണു ക്ഷേത്രത്തിലെ ഭാഗവത സപ്താഹയജ്ഞം നാലുമുതൽ 11 വരെ നടക്കും. തിരുനക്കര മധുസൂദനവാര്യരാണ് യജ്ഞാചാര്യൻ. നാലിന് വൈകുന്നേരം 4.30 ന് നടക്കുന്ന സമ്മേളനത്തിൽ എൻ.എസ്.എസ്. തന്ത്രവിദ്യാപീഠം മുൻ ഡയറക്ടർ ഗോപാലകൃഷ്ണ വൈദിക് യജ്ഞവേദിയിൽ നിലവിളക്ക് തെളിക്കും. അഞ്ചു മുതൽ 10 വരെ എല്ലാ ദിവസവും യജ്ഞവേദിയിൽ ഭാഗവതപാരായണം, അന്നദാനം, പ്രഭാഷണം,സാമൂഹ്യാരാധന എന്നിവയുണ്ടാകും. 11 ന് രാവിലെ 10.20 ന് അവഭൃഥസ്നാനഘോഷയാത്ര. ഉച്ചയ്ക്ക് ഒന്നിന് മഹാപ്രസാദമൂട്ട്. എന്നിവയാണ് പ്രധാന പരിപാടികൾ.
മോർക്കുളങ്ങര: കേരള വണിക വൈശ്യസംഘം മോർകുളങ്ങര അമ്മൻകോവിലിലെ ഭാഗവത സപ്താഹയജ്ഞം നവംബർ അഞ്ചുമുതൽ 11 വരെ നടക്കും. മാവേലിക്കര സുശീൽജിയാണ് യജ്ഞാചാര്യൻ. നാലിന് വൈകുന്നേരം നാലിന് തിരുവല്ല ശ്രീരാമകൃഷ്ണാശ്രമത്തിലെ സ്വാമി വീതസ് പൃഹാനന്ദജി മഹാരാജ് നിലവിളക്ക് തെളിക്കും. കെ.വി.വി.എസ്. ജില്ലാ പ്രസിഡന്‍റ് റോസ്ചന്ദ്രൻ ഉദ്ഘാടനം ചെയ്യും. അഞ്ചുമുതൽ പത്ത് വരെ എല്ലാദിവസങ്ങളിലും രാവിലെ ഏഴിന് സമൂഹപ്രാർത്ഥന,എട്ടിന് ഭാഗവതപാരായണം. 12ന് പ്രഭാഷണം.ഒന്നിന് അന്നദാനം. വൈകുന്നേരം 6.30ന് സമൂഹാരാധന എന്നിവയുണ്ടാകും. 11ന് രാവിലെ പത്തിന് സായൂജ്യപൂജ.12 ന് അവഭൃഥസ്നാനഘോഷയാത്ര. രണ്ടിന് മഹാപ്രസാദമൂട്ട്.
ഭാഗവത സപ്താഹയജ്ഞം
11:40 PM Oct 31, 2018 | Deepika.com