പാ​ലാ ജ​ന​റ​ൽ ആ​ശു​പ​ത്രി: ഉ​ന്ന​ത​ത​ലയോ​ഗം ചേ​ർ​ന്നു; ആ​ധു​നി​ക ഉ​പ​ക​ര​ണങ്ങ​ൾ ഉ​ട​ൻ എ​ത്തി​ക്ക​ണ​മെ​ന്ന് ആ​വ​ശ്യം

പാ​ലാ: പാ​ലാ ജ​ന​റ​ൽ ആ​ശു​പ​ത്രി​യെ ഹൈ​ടെ​ക് ആ​രോ​ഗ്യ​സേ​വ​ന​കേ​ന്ദ്ര​മാ​യി മാ​റ്റി​ക്കൊ​ണ്ടു​ള്ള ന​വീ​ക​ര​ണ​മാ​ണ് ഉ​ണ്ടാ​വേ​ണ്ട​തെ​ന്ന് കെ.​എം. മാ​ണി എം​എ​ൽ​എ​യും ജോ​സ് കെ. ​മാ​ണി എം​പി​യും ആ​രോ​ഗ്യ കു​ടും​ബ​ക്ഷേ​മ വ​കു​പ്പ് അ​ധി​കൃ​ത​രോ​ട് ആ​വ​ശ്യ​പ്പെ​ട്ടു. പാ​ലാ ജ​ന​റ​ൽ ആ​ശു​പ​ത്രി​യു​ടെ സ​മ​ഗ്ര​വി​ക​സ​നം ആ​വ​ശ്യ​പ്പെ​ട്ട് കെ.​എം. മാ​ണി ആ​രോ​ഗ്യ​വ​കു​പ്പ് മ​ന്ത്രി​ക്ക് ന​ല്കി​യ ക​ത്തി​ന്‍റെ അ​ടി​സ്ഥാ​ന​ത്തി​ൽ ഇ​ന്ന​ലെ തി​രു​വ​ന്ത​പു​ര​ത്ത് ചേ​ർ​ന്ന ഉ​ന്ന​ത​ത​ല യോ​ഗ​ത്തി​ലാ​ണ് ആ​വ​ശ്യ​മു​യ​ർ​ന്ന​ത്.

വി​വി​ധ പ​ദ്ധ​തി​ക​ളി​ലാ​യി ഭ​ര​ണാ​നു​മ​തി ന​ൽ​കി​യി​രു​ന്ന 40 കോ​ടി​യോ​ളം രൂ​പ ചെ​ല​വ​ഴി​ച്ചു​കൊ​ണ്ടു​ള്ള അ​ടി​സ്ഥാ​ന സൗ​ക​ര്യ​വി​ക​സ​ന​മാ​ണ് പാ​ലാ ജ​ന​റ​ൽ ആ​ശു​പ​ത്രി​യി​ൽ പൂ​ർ​ത്തീ​ക​രി​ച്ചി​ട്ടു​ള്ള​ത്. നൂ​ത​ന രോ​ഗീസൗ​ഹൃ​ദ സൗ​ക​ര്യ​ങ്ങ​ൾ ഏ​ർ​പ്പെ​ടു​ത്തി ജ​ന​ങ്ങ​ൾ​ക്ക് ഇ​തി​ന്‍റെ പ്ര​യോ​ജ​നം എ​ത്ര​യും വേ​ഗം ല​ഭ്യ​മാ​ക്ക​ണ​മെ​ന്ന് ആ​രോ​ഗ്യ​മ​ന്ത്രി കെ.​കെ. ശൈ​ല​ജ​യു​മാ​യു​ള്ള ച​ർ​ച്ച​യി​ൽ അ​ദ്ദേ​ഹം ആ​വ​ശ്യ​പ്പെ​ട്ടു. ആ​വ​ശ്യ​മാ​യ ഫ​ണ്ട് മു​ഴു​വ​ൻ ല​ഭ്യ​മാ​ക്കി​യി​ട്ടും ആ​ധു​നി​ക ഉ​പ​ക​ര​ണ​സ​ഹാ​യ​ത്തോ​ടെ​യു​ള്ള രോ​ഗ​നി​ർ​ണ​യ കേ​ന്ദ്ര​ത്തി​ന്‍റെ പ്ര​വ​ർ​ത്ത​നം ആ​രം​ഭി​ച്ചി​ട്ടി​ല്ല. പ​ത്ത് കോ​ടി ല​ഭ്യ​മാ​ക്കി​യ ഈ ​പ​ദ്ധ​തി​യി​ൽ കെ​ട്ടി​ട​സ​മു​ച്ച​യ​നി​ർ​മാ​ണം പൂ​ർ​ത്തി​യാ​യി​ട്ട് ര​ണ്ട് വ​ർ​ഷം ക​ഴി​ഞ്ഞു.
വി​സ്തൃ​ത​മാ​യ സ്ഥ​ല​സൗ​ക​ര്യം ല​ഭ്യ​മാ​ക്കി വി​ഭാ​വ​നം ചെ​യ്ത് നി​ർ​മാ​ണം പൂ​ർ​ത്തി​യാ​യ ഒ​പി, കാ​ഷ്വാ​ലി​റ്റി മ​ന്ദി​ര​ത്തി​ലേ​ക്ക് ആ​വ​ശ്യ​മാ​യ ഉ​പ​ക​ര​ണ​ങ്ങ​ൾ ല​ഭ്യ​മാ​ക്കി​യി​ട്ടി​ല്ല.

അ​ത്യാ​ഹി​ത വി​ഭാ​ഗ​ത്തി​നു മാ​ത്ര​മാ​യി ഓ​പ്പ​റേ​ഷ​ൻ തീ​യേ​റ്റ​റും ട്രോ​മാ കെ​യ​ർ യൂ​ണി​റ്റും ആ​രം​ഭി​ക്ക​ണ​മെ​ന്നും യോ​ഗ​ത്തി​ൽ ആ​വ​ശ്യ​മു​യ​ർ​ന്നു. ഒ​പി ബ്ലോ​ക്കി​നു മാ​ത്ര​മാ​യി 17.50 കോ​ടി രൂ​പ​യാ​ണ് മു​ട​ക്കി​യി​രി​ക്കു​ന്ന​ത്. ആ​വ​ശ്യ​മാ​യ ഡോ​ക്ട​ർ​മാ​രെ നി​യ​മി​ച്ചി​ട്ടു​ള്ള ഹൃ​ദ്രോ​ഗ വി​ഭാ​ഗ​ത്തി​ന്‍റെ വി​പു​ലീ​ക​ര​ണ​ത്തി​നാ​യി കാ​ത്ത് ലാ​ബും ഇ​ന്‍റ​ൻ​സീ​വ് കെ​യ​ർ യൂ​ണി​റ്റോ​ടു കൂ​ടി​യ കാ​ർ​ഡി​യാ​ക് യൂ​ണി​റ്റ് അ​നു​വ​ദി​ക്ക​ണ​മെ​ന്നും യോ​ഗ​ത്തി​ൽ ആ​വ​ശ്യ​മു​യ​ർ​ന്നു.

8.80 കോ​ടി രൂ​പ മു​ട​ക്കി​യാ​ണ് ഹൃ​ദ്രോ​ഗ ചി​കി​ത്സ​യ്ക്കാ​യു​ള്ള കെ​ട്ടി​ട​സ​മു​ച്ച​യം നി​ർ​മ്മി​ച്ചി​ട്ടു​ള്ള​ത്. നി​ല​വി​ലു​ള്ള കാ​ൻ​സ​ർ ചി​കി​ത്സാ വി​ഭാ​ഗ​ത്തി​ൽ അ​ധി​ക സൗ​ക​ര്യ​ങ്ങ​ളും ഉ​പ​ക​ര​ണ​ങ്ങ​ളും അ​നു​വ​ദി​ക്കു​ക. അ​ധി​ക​മാ​യി ഒ​രു റേ​ഡി​യോ​ള​ജി​സ്റ്റി​നെ കൂ​ടി നി​യ​മി​ക്കു​ക തു​ട​ങ്ങി​യ ആ​വ​ശ്യ​ങ്ങ​ളും​യോ​ഗ​ത്തി​ൽ ഉ​ന്ന​യി​ച്ചു. ജി​ല്ലാ ആ​ശു​പ​ത്രി​യേ​ക്കാ​ളും ഉ​യ​ർ​ന്ന നി​ല​വാ​ര​മു​ള്ള ജ​ന​റ​ൽ ആ​ശു​പ​ത്രി​യി​ൽ ഉ​ണ്ടാ​യി​രി​ക്കേ​ണ്ട​താ​യ നെ​ഫ്രോ​ള​ജി, ന്യൂ​റോ​ള​ജി വി​ഭാ​ഗ​ങ്ങ​ൾ ആ​രം​ഭി​ക്ക​ണ​മെ​ന്നും ആ​വ​ശ്യ​മു​യ​ർ​ന്നു.

ആ​വ​ശ്യ​മാ​യ ഫ​ണ്ട് മു​ൻ​കൂ​ർ ല​ഭ്യ​മാ​ക്കി​യി​ട്ടും ആം​ബു​ല​ൻ​സ് പു​തി​യ​ത് വാ​ങ്ങു​വാ​നു​ള്ള ന​ട​പ​ടി പൂ​ർ​ത്തീ​ക​രി​ക്കാ​ത്ത​തി​ലും ച​പ്പു​ച​വ​റു സം​സ്ക​ര​ണ സം​വി​ധാ​നം ഒ​രു​ക്കു​ന്ന​തി​ലും അ​ധി​കൃ​ത​ർ വീ​ഴ്ച​വ​രു​ത്തി​യ​തി​ൽ പ്ര​തി​ഷേ​ധം ഉ​യ​ർ​ന്നു. പാ​ലാ ജ​ന​റ​ൽ ആ​ശു​പ​ത്രി​യു​ടെ സ​മ​ഗ്ര​വി​ക​സ​നം ശ​ബ​രി​മ​ല തീ​ർ​ഥാ​ട​ക​ർ​ക്കും തൊ​ടു​പു​ഴ, പീ​രു​മേ​ട്, കാ​ഞ്ഞി​ര​പ്പ​ള്ളി താ​ലൂ​ക്ക് പ്ര​ദേ​ശ​ത്തു​ള്ള​വ​ർ​ക്കും വ​ലി​യ പ്ര​യോ​ജ​നം ല​ഭ്യ​മാ​ക്കും.

യോ​ഗ​ത്തി​ൽ ജോ​സ് കെ. ​മാ​ണി എം​പി, ന​ഗ​ര​സ​ഭാ​ധ്യക്ഷ പ്ര​ഫ. സെ​ലി​ൻ റോ​യി, വൈ​സ് ചെ​യ​ർ​മാ​ൻ കു​ര്യാ​ക്കോ​സ് പ​ട​വ​ൻ, ബൈ​ജു പു​തി​യി​ട​ത്തു​ചാ​ലി​ൽ, ജ​യ്സ​ണ്‍ മാ​ന്തോ​ട്ടം, ആ​രോ​ഗ്യ​വ​കു​പ്പ് അ​ഡീ​ഷ​ണ​ൽ ചീ​ഫ് സെ​ക്ര​ട്ട​റി രാ​ജീ​വ് സ​ദാ​ന​ന്ദ​ൻ, ആ​രോ​ഗ്യ​വ​കു​പ്പ് അ​ധി​കൃ​ത​ർ എ​ന്നി​വ​ർ പ​ങ്കെ​ടു​ത്തു.