പൊൻകുന്നം: രാജേന്ദ്രമൈതാനത്ത് പാർക്ക് ചെയ്തിരുന്ന ബൈക്ക് മോഷണം പോയി. ചിറക്കടവ് കുളവട്ടം തോമസ്കുട്ടിയുടെ കെഎൽ 34-9789 നമ്പരിലുള്ള ഹീറോ ഹോണ്ട ഗ്ലാമർ ബൈക്കാണ് കഴിഞ്ഞ ദിവസം മോഷണം പോയത്. പുലർച്ചെ തോമസ്കുട്ടിയുടെ മകൻ അലോക് മൈതാനത്ത് ബൈക്ക് വെച്ചതിനു ശേഷം യാത്ര പോയതായിരുന്നു. വൈകുന്നേരം മടങ്ങിയെത്തിയപ്പോഴാണ് ബൈക്ക് നഷ്ടപ്പെട്ട വിവരം അറിയുന്നത്. പൊൻകുന്നം പോലീസിൽ പരാതി നൽകി. സമീപത്തെ സിസി ടിവി ദൃശ്യങ്ങൾ കേന്ദ്രീകരിച്ച് പോലീസ് അന്വേഷണം തുടങ്ങി.
അടുത്തിടെ പൊൻകുന്നം, ചിറക്കടവ് മേഖലയിൽ ബൈക്കുകൾ മോഷണം പോകുന്നത് പതിവായിരുന്നു. പെട്രോൾ തീർന്നതിനെ തുടർന്ന് ഏതാനും ബൈക്കുകൾ ഉപേക്ഷിച്ച നിലയിൽ കണ്ടെത്തിയിരുന്നു.
കഴിഞ്ഞ ദിവസം കാഞ്ഞിരപ്പള്ളി പൊടിമറ്റത്തു നിന്ന് തട്ടിയെടുത്ത ബൈക്ക് പെട്രോൾ തീർന്നതിനെ തുടർന്ന് ചിറക്കടവ് മണക്കാട്ടു ഭാഗത്ത് ഉപേക്ഷിച്ചു. പിന്നീട് ഇവിടെ ഒരു വീട്ടിൽ നിന്നെടുത്ത സൈക്കിളിൽ മോഷ്ടാവ് രക്ഷപ്പെട്ടു. സൈക്കിൾ പൊൻകുന്നത്ത് ഉപേക്ഷിച്ച നിലയിൽ കണ്ടെത്തി.
ബൈക്ക് മോഷണംപോയി
10:44 PM Oct 31, 2018 | Deepika.com