ജെസിഐ വാർഷിക പൊതുയോഗം
02:03 AM Oct 31, 2018 | Deepika.com
രാജപുരം: എൻഡോസൾഫാൻ പാക്കേജിൽ നിർമാണം പൂർത്തിയായ പൂടംകല്ല് താലൂക്ക് ആശുപത്രി സമുച്ചയം എത്രയും പെട്ടെന്ന് പ്രവർത്തനമാരംഭിക്കണമെന്ന് ജെസിഐ ചുള്ളിക്കര യൂണിറ്റ് വാർഷിക പൊതുയോഗം ആവശ്യപ്പെട്ടു. യൂണിറ്റ് പ്രസിഡന്റ് സുരേഷ് കൂക്കൾ അധ്യക്ഷത വഹിച്ചു. മുൻ പ്രസിഡന്റുമാരായ സജി ഏയ്ഞ്ചൽ, എൻ.കെ. മനോജ് കുമാർ, ബിജു മുണ്ടപ്പുഴ, സെക്രട്ടറി മണികണ്ഠൻ കോടോത്ത്, രവീന്ദ്രൻ കൊട്ടോടി എന്നിവർ പ്രസംഗിച്ചു. 2019 വർഷത്തെ ഭാരവാഹികളായി രവീന്ദ്രൻ കൊട്ടോടി (പ്രസിഡന്റ്), പ്രമോദ് കുമാർ(സെക്രട്ടറി), സുരേഷ് പാണത്തൂർ (ട്രഷറർ) എന്നിവരെ തെരഞ്ഞെടുത്തു. സ്ഥാനാരോഹണ ചടങ്ങ് നവംബർ 18ന് നടക്കും.