കുടിയാന്മല: കുടിയാന്മല അനുപമ ഗ്രന്ഥാലയത്തിന്റെയും സാന്ത്വന പാലിയേറ്റീവ് കെയറിന്റെയും സംയുക്താഭിമുഖ്യത്തിൽ സംസ്ഥാന ജൂണിയർ അമേച്വർ ബോക്സിംഗ് ചാന്പ്യൻഷിപ്പിൽ സ്വർണമെഡൽ നേടിയ അഖിൽ എം. ജയ്സനെ അനുമോദിച്ചു. ജില്ലാ പഞ്ചായത്ത് പ്രസിഡന്റ് കെ.വി. സുമേഷ് പൊതുസമ്മേളനം ഉദ്ഘാടനം ചെയ്തു. സാന്ത്വന പാലിയേറ്റീവ് കെയർ സെക്രട്ടറി ജോയി ജോൺ അധ്യക്ഷത വഹിച്ചു. ബിജു കിഴക്കയിൽ, കെ.എം. ജോസഫ്, പി.എം. ശിവൻ, കെ.എൻ. ശശി, വി. സുനിൽ, പരിശീലകൻ വി.കെ. ലോയ്ഡ് എന്നിവർ പ്രസംഗിച്ചു.
സ്വീകരണം നൽകി
കുടിയാന്മല: സംസ്ഥാന ബോക്സിംഗ് ചാന്പ്യൻഷിപ്പിൽ സ്വർണം നേടിയ സബ്ജൂണിയർ വിഭാഗം ജേതാവും കുടിയാന്മല മേരി ക്വീൻസ് ഹൈസ്കൂൾ വിദ്യാർഥിയുമായ അഖിൽ എം. ജയ്സനെ സ്കൂൾ മാനേജ്മെന്റും പിടിഎയും അനുമോദിച്ചു. വാദ്യഘോഷങ്ങളുടെ അകന്പടിയോടെയാണ് അഖിലിനെ അധ്യാപകരും വിദ്യാർഥികളും ചേർന്ന് സമ്മേളനവേദിയിലേക്ക് ആനയിച്ചത്. സ്കൂൾ മാനേജരും കുടിയാന്മല ഫാത്തിമമാതാ ദേവാലയ വികാരിയുമായ ഫാ. ലാസർ വരന്പകത്ത്, സ്കൂൾ മുഖ്യാധ്യാപിക സോഫിയ ജേക്കബ്, പിടിഎ ഭാരവാഹികൾ തുടങ്ങിയവർ നേതൃത്വം നൽകി. കൊല്ലത്ത് നടന്ന സംസ്ഥാനതല മത്സരത്തിൽ ഒന്നാംസ്ഥാനം കരസ്ഥമാക്കിയ അഖിൽ മഹാരാഷ്ട്രയിലെ നാഗ്പൂരിൽ നടക്കാനിരിക്കുന്ന ദേശീയ മത്സരത്തിൽ പങ്കെടുക്കാനുള്ള തയാറെടുപ്പിലാണ്.
ബോക്സിംഗ് മെഡൽ ജേതാവിനെ അനുമോദിച്ചു
01:42 AM Oct 08, 2018 | Deepika.com