പാലക്കാട്: കേരള ഖാദി ഗ്രാമ വ്യവസായ ഓഫീസിൽ നിന്നും സി.ബി.സി പദ്ധതി പ്രകാരം വായ്പ എടുത്ത സംരംഭകർക്കായി വായ്പാ തിരിച്ചടവ് കാലാവധി 2018 ഓഗസ്റ്റ് 15 മുതൽ ആറ് മാസത്തേക്ക് ദീർഘിപ്പിച്ചതായി പ്രൊജക്ട് ഓഫീസർ അറിയിച്ചു. കുടിശ്ശിക തുക തിരിച്ചടക്കുന്നവർക്ക് പിഴപ്പലിശ ഇളവ് അനുവദിക്കും. വായ്പ എടുത്ത സംരംഭകർ പാലക്കാട്, വെസ്റ്റ് ഫോർട്ട് റോഡിലെ ജില്ലാ ഖാദി ഗ്രാമ വ്യവസായ കാര്യാലയവുമായി ബന്ധപ്പെടണം.
ഗൃഹമിത്ര, ഹരിതം പദ്ധതി ശില്പശാല
ശ്രീകൃഷ്ണപുരം: നവകേരള മിഷന്റെ ഭാഗമായി നടപ്പിലാക്കുന്ന ഹരിത കേരളം പദ്ധതിക്ക് കരുത്തു പകർന്നു കൊണ്ട് ബ്ലോക്ക് പഞ്ചായത്ത് നടപ്പിലാക്കുന്ന പച്ചക്കറി കൃഷി പദ്ധതികളായ ഗൃഹമിത്ര, ഹരിതം എന്നിവക്കായി ശില്പശാല സംഘടിപ്പിച്ചു. 25 വീതം വനിതകളെ ഉൾക്കൊളളിച്ചു കൊണ്ട് 13 വായനശാലകളുടെ സഹായത്തോടെ 325 സ്ത്രീകളെ കാർഷികരംഗത്തേക്ക് കൂട്ടിയിണക്കുന്ന പദ്ധതിയാണ് ഗൃഹ മിത്ര. ശില്പശാല ബ്ലോക്ക് പഞ്ചായത്ത് പ്രസിഡന്റ് പി.അരവിന്ദാക്ഷൻ ഉദ്ഘാടനം ചെയ്തു. പി.അംബുജാക്ഷി അധ്യക്ഷത വഹിച്ചു.
പിഴപ്പലിശ ഒഴിവാക്കൽ
10:54 PM Oct 07, 2018 | Deepika.com