ആലപ്പുഴ: ടേബിൾ ടെന്നീസ് ഫെഡറേഷൻ ഓഫ് ഇന്ത്യ (ടിടിഎഫ്ഐ)-യുടെയും കേരള ഒളിന്പിക് അസോസിയേഷ(കെഒഎ)-ന്റെയും അംഗീകാരമുള്ള രജിസ്ട്രേഡ് സൊസൈറ്റിയായ ടേബിൾ ടെന്നീസ് അസോസിയേഷൻ ഓഫ് കേരള (ടിടിഎകെ) സംഘടിപ്പിക്കുന്ന ടേബിൾ ടെന്നീസ് ജില്ല, സംസ്ഥാനതല റാങ്കിംഗ് ടൂർണമെന്റുകളിൽ പങ്കെടുക്കാനാഗ്രഹിക്കുന്ന കളിക്കാർക്കു തുടർറാങ്കിംഗിൽ തടസമൊന്നുമുണ്ടാകില്ലെന്നു പ്രസിഡന്റ് എൻ. ഗണേശൻ, ഹോണററി സെക്രട്ടറി മൈക്കിൾ മത്തായി എന്നിവർ അറിയിച്ചു.
കളിക്കാരുടെ താത്പര്യങ്ങൾ സംരക്ഷിച്ചായിരിക്കും മത്സരങ്ങളും മറ്റു നടപടികളും. ടൂർണമെന്റുകളിലും ചാന്പ്യൻഷിപ്പുകളിലും പങ്കെടുക്കാനാഗ്രഹിക്കുന്ന എല്ലാവർക്കും അതിനുള്ള സൗകര്യമേർപ്പെടുത്തും. ജില്ല അസോസിയേഷനുകളുടെ പേരിൽ എൻട്രികൾ നല്കുന്നില്ലെങ്കിൽ അങ്ങനെയുള്ളവർക്കു വൈൽഡ് കാർഡ് എൻട്രി അനുവദിച്ചു മത്സരങ്ങളിൽ പങ്കെടുപ്പിക്കും. യഥാർഥ കളിക്കാരായ ആരുടെയും അവസരം നഷ്ടപ്പെടുത്തില്ല. കളിക്കാർക്ക് ബുദ്ധിമുട്ടുണ്ടാകാതിരിക്കാൻ സെപ്റ്റംബർ വരെ നടത്തിയിട്ടുള്ള റാങ്കിംഗ് ടൂർണമെന്റുകളുടെ റാങ്കിംഗ് തുടർന്നുള്ള റാങ്കിംഗിൽ ചേർത്തു പരിഗണിക്കും. ഈ സീസണിൽ തുടർന്നു ടിടിഎകെ നടത്തുന്ന ടൂർണമെന്റുകളുടെ ഫലങ്ങളായിരിക്കും അംഗീകൃത റാങ്കിംഗിനു കണക്കിലെടുക്കുക. അർഹരായ കളിക്കാർക്ക് യാതൊരുവിധ തടസങ്ങളുമുണ്ടാകാത്ത രീതിയിൽ കാര്യങ്ങൾ ക്രമീകരിക്കും.
റാങ്കിംഗ് ടൂർണമെന്റുകളിലെ അന്തിമ സംസ്ഥാനതല റാങ്കിംഗ് ആയിരിക്കും ദേശീയതല മത്സരങ്ങൾക്കു പരിഗണിക്കുക. ജില്ലാതല അസോസിയേഷനുകൾക്കും ക്ലബുകൾക്കും ആവശ്യമായ പിന്തുണ നല്കും. ആലപ്പുഴ വൈഎംസിഎ 62-ാമത് ഇ. ജോണ് ഫിലിപ്പോസ് മെമ്മോറിയൽ ഓൾ കേരള ഓപ്പണ് പ്രൈസ്മണി ടേബിൾ ടെന്നിസ് ടൂർണമെന്റ് -2018 18, 19 തീയതികളിൽ ആയിരിക്കും ഈ സീസണിലെ ആദ്യ സംസ്ഥാനതല റാങ്കിംഗ് ടൂർണമെന്റ്. അതിനു മുന്പ് മൂന്നാമത് 11 സ്പോർട്സ് ഇന്റർ സ്കൂൾ ടേബിൾ ടെന്നീസ് സ്റ്റേറ്റ് ചാന്പ്യൻഷിപ്് (കേരള) 17, 18 തീയതികളിൽ നടത്തും.
ടേബിൾ ടെന്നീസ് കളിക്കാരുടെ താത്പര്യങ്ങൾ സംരക്ഷിച്ചായിരിക്കും മത്സരങ്ങൾ: ടിടിഎകെ
10:28 PM Oct 07, 2018 | Deepika.com