പ്രളയക്കെടുതി: വ്യാപാരികൾ വിവരം നൽകണം
10:10 PM Oct 07, 2018 | Deepika.com
പാലാ: പ്രളയക്കെടുതിയിൽ നാശനഷ്ടം സംഭവിച്ച വ്യാപാരികൾ ഉടൻ വിവരങ്ങൾ നൽകണമെന്ന് കേരള വ്യാപാരി വ്യവസായി ഏകോപന സമിതി കോട്ടയം ജില്ലാ കമ്മിറ്റി ആവശ്യപ്പെട്ടു. പ്രളയക്കെടുതിയിൽ നാശനഷ്ടം സംഭവിച്ച വ്യാപാരികൾക്ക് സർക്കാർ നഷ്ടപരിഹാരം നൽകുന്നതിന് നിശ്ചിത ഫോറം പൂരിപ്പിച്ച് ബദ്ധപ്പെട്ട ഉദ്യോഗസ്ഥരെയോ കേരള വ്യാപാരി വ്യവസായി ഏകോപന സമിതി ജില്ലാ ഭാരവാഹികളെയോ ഒന്പതിനകം ഏൽപ്പിക്കണം. അല്ലാത്തപക്ഷം ക്ഷേമനിധിയിൽ അംഗങ്ങൾ അല്ലാത്തവർക്ക് സാന്പത്തിക സഹായം കിട്ടാൻ സാധ്യത കുറവാകുമെന്നും എത്രയും പെട്ടെന്ന് അർഹരായവർ വിവരങ്ങൾ കൈമാറണമെന്നും ജില്ലാ പ്രസിഡന്റ് ടോമി കുറ്റിയാങ്കൽ, സിബി തോട്ടുപുറം, റോയി ജോർജ് എന്നിവർ സംയുക്ത പ്രസ്താവനയിൽ അറിയിച്ചു.