പ്ലാ​ന്‍റേ​ഷ​ൻ കോ​ർ​പ​റേ​ഷ​ന്‍റെ ഗോ​ഡൗ​ണി​ൽ കെ​ട്ടി​ക്കി​ട​ന്ന ക​ശു​വ​ണ്ടി ഒ​ടു​വി​ൽ വി​റ്റു

മു​ള്ളേ​രി​യ: മൂ​ന്നു ത​വ​ണ ലേ​ലം ന​ട​ത്തി​യി​ട്ടും വി​ൽ​ക്കാ​നാ​വാ​തെ പ്ലാ​ന്‍റേ​ഷ​ൻ കോ​ർ​പ​റേ​ഷ​ന്‍റെ ഗോ​ഡൗ​ണി​ൽ കെ​ട്ടി​ക്കി​ട​ന്ന ക​ശു​വ​ണ്ടി വി​ൽ​പ്പ​ന ന​ട​ത്തി. പൊ​തു​മേ​ഖ​ലാ സ്ഥാ​പ​ന​മാ​യ ക​ശു​വ​ണ്ടി വി​ക​സ​ന കോ​ർ​പ​റേ​ഷ​നാ​ണ് ക​ശു​വ​ണ്ടി ന​ൽ​കി​യ​ത്. കാ​സ​ർ​ഗോ​ഡ്, രാ​ജ​പു​രം, ചീ​മേ​നി എ​ന്നീ എ​സ്റ്റേ​റ്റു​ക​ളി​ലെ ലേ​ലം ന​ട​ക്കാ​ത്ത തോ​ട്ട​ങ്ങ​ളി​ൽ നി​ന്നു​ള്ള 40,010 കി​ലോ ക​ശു​വ​ണ്ടി​യാ​ണ് കി​ലോ​യ് 121 രൂ​പ പ്ര​കാ​രം വി​ൽ​പ്പ​ന ന​ട​ത്തി​യ​ത്.

ക​ഴി​ഞ്ഞ സീ​സ​ണി​ൽ കി​ലോ​യ്ക്ക് 155 രൂ​പ നി​ര​ക്കി​ൽ വ്യ​വ​സാ​യി​ക​ൾ​ക്ക് വി​ൽ​പ്പ​ന ന​ട​ത്താ​ൻ പിസികെ തീ​രു​മാ​നി​ച്ച​പ്പോ​ൾ പൊ​തു​മേ​ഖ​ല ക​ശു​വ​ണ്ടി ഫാ​ക്ട​റി​ക​ളി​ൽ തോ​ട്ട​ണ്ടി ക്ഷാ​മ​മു​ള്ള​തി​നാ​ൽ വി​പ​ണി വി​ല​യ്ക്ക് അ​വ​ർ​ക്ക് ന​ൽ​ക​ണ​മെ​ന്ന് സ​ർ​ക്കാ​ർ ഉ​ത്ത​ര​വി​റ​ക്കു​ക​യാ​യി​രു​ന്നു. എ​ന്നാ​ൽ ഒ​രു​മി​ച്ച് മു​ഴു​വ​ൻ തു​ക​യും ന​ൽ​കാ​ൻ സാ​ധി​ക്കി​ല്ലെ​ന്നും ആ​ദ്യം പ​കു​തി തു​ക ന​ൽ​കാ​മെ​ന്നും പൊ​തു​മേ​ഖ​ല സ്ഥാ​പ​ന​ങ്ങ​ൾ അ​റി​യി​ച്ച​തോ​ടെ പി​സി​കെ ക​ശു​വ​ണ്ടി ന​ൽ​കാ​ൻ ത​യാ​റാ​വാ​ത്ത​താ​ണ് ക​ശു​വ​ണ്ടി കെ​ട്ടി​ക്കി​ട​ക്കാ​ൻ ഇ​ട​യാ​ക്കി​യ​ത്. പി​ന്നീ​ട് ലേ​ലംചെ​യ്തുവി​ൽ​ക്കാ​ൻ സ​ർ​ക്കാ​ർ നി​ർ​ദേ​ശി​ക്കു​ക​യാ​യി​രു​ന്നു.

ഇ​തേ​ത്തു​ട​ർ​ന്ന് നേ​ര​ത്തെ മൂ​ന്ന് ത​വ​ണ ന​ട​ന്ന ലേ​ല​ത്തി​ൽ 122,109, 105, രൂ​പ പ്ര​കാ​ര​മാ​ണ് ലേ​ല​ത്തി​ൽ പ​ങ്കെ​ടു​ത്ത​വ​ർ ക്വാ​ട്ട് ചെ​യ്തി​രു​ന്നെ​ങ്കി​ലും ഈ ​തു​ക​യ്ക്ക് ക​ശു​വ​ണ്ടി ന​ൽ​കാ​ൻ പിസികെ ത​യാ​റാ​യി​രു​ന്നി​ല്ല. എ​ന്നാ​ൽ ലേ​ല​ത്തി​ൽ ക്വാ​ട്ട് ചെ​യ്ത ഉ​യ​ർ​ന്ന തു​ക​യേ​ക്കാ​ൾ ഒ​രു രൂ​പ കു​റ​ച്ചാ​ണ് ഇ​പ്പോ​ൾ ക​ശു​വ​ണ്ടി വി​ക​സ​ന കോ​ർ​പ​റേ​ഷ​ന് ന​ൽ​കി​യി​രി​ക്കു​ന്ന​ത്.