ബിജെപി പ്രവര്ത്തകനെ കൊന്ന കേസ്: പ്രതികളെ കോടതി വെറുതെവിട്ടു
01:07 AM Oct 07, 2018 | Deepika.com
തലശേരി: ബിജെപി പ്രവര്ത്തകനെ ജോലിസ്ഥലത്തുനിന്ന് തട്ടിക്കൊണ്ടു പോയി തലവെട്ടിമാറ്റി കൊലപ്പെടുത്തിയ കേസില് സിപിഎം ബ്രാഞ്ച് സെക്രട്ടറി ഉള്പ്പെടെ മുഴുവന് പ്രതികളെയും കോടതി വെറുതെ വിട്ടു. പാനുണ്ട മാണിയത്ത് സത്യനെ (35) ജോലിസ്ഥാലമായ പഴയനിരത്തില്നിന്ന് ഓട്ടോറിക്ഷയില് തട്ടിക്കൊണ്ടുപോയി പാനുണ്ട-പാച്ചപ്പൊയ്ക റോഡില്വച്ചു പട്ടാപ്പകല് തല വെട്ടിമാറ്റി കൊലപ്പെടുത്തിയ കേസിലെ എട്ടു പ്രതികളെയാണ് അഡീഷണല് ജില്ലാ സെഷന്സ് ജഡ്ജി പി.എന്. വിനോദ് വെറുതെ വിട്ടത്. 2008 മാര്ച്ച് അഞ്ചിന് വൈകുന്നേരമായിരുന്നു കേസിനാസ്പദമായ സംഭവം.