കെഎസ്ഇബി ജീവനക്കാരനു മർദനം
11:15 PM Oct 06, 2018 | Deepika.com
നെന്മാറ : വൈദ്യുതി ബിൽ അടയ്ക്കാത്തതുകൊണ്ടു കണക്ഷൻ വിച്ഛേദിക്കാനെത്തിയ കെ എസ്ഇബി ജീവനക്കാരനെ മർദ്ദിച്ചതായി പരാതി. പരുക്കേറ്റ നെന്മാറ സെക്ഷൻ ജീനക്കാരൻ വിത്തനശ്ശേരി നെയ്തക്കോട് കളത്തിൽ വിവേകാനന ്ദബോസിനെ(37) നെന്മാറ സാമൂഹിക കേന്ദ്രത്തിൽ പ്രവേശിപ്പിച്ചു. ഇന്നലെ ഉച്ചയ്ക്ക് 1.30ന് കയ്പഞ്ചേരിയിലാണു സംഭവം. ഫീസടയ്ക്കാത്ത കാര്യം ഫോണിൽ വിളിച്ചറിയിക്കാനുള്ള ശ്രമം പരാജയപ്പെട്ടതോടെ വീട്ടിൽ നേരിട്ടെത്തി കൃത്യം നിർവ്വഹിക്കുന്നതിനിടെ അസഭ്യം പറഞ്ഞു മർദ്ദിച്ചതായാണു പരാതി. തനിച്ചുപോയ ജീവനക്കാരന്റെ മൊബൈൽഫോണും നിർമ്മാണം നടന്നുവരുന്ന വീട്ടിലുള്ളവർ നശിപ്പിച്ചതായി അധികൃതർ പറഞ്ഞു.