പൊന്‍കുന്നം: ചിറക്കടവ് വടക്കുംഭാഗം 679ാം നമ്പര്‍ എന്‍എസ്എസ് കരയോഗം കാര്‍ഷികമേളയും ഉദ്യോഗസ്ഥ കൂട്ടായ്മയും സംഘടിപ്പിച്ചു. പുതിയകാവ് ദേവസ്വം ഓഡിറ്റോറിയത്തിലായിരുന്നു പരിപാടി.
സമുദായാംഗങ്ങള്‍ ദൈനംദിനം അഭിമുഖീകരിക്കേണ്ടി വരുന്ന സംശയങ്ങള്‍ക്കും പ്രശ്‌ന നിവാരണത്തിനും വേണ്ടി സമാജമൈത്രി എന്ന കൂട്ടായ്മക്കു തുടക്കം കുറിച്ചു. കരയോഗാംഗങ്ങളില്‍ വിവിധ മേഖലകളില്‍ വിദഗ്ധരായവരുടേയും ഉദ്യോഗസ്ഥരുടെയും നിയമജ്ഞരുടെയും കൂട്ടായ്മയാണിത്. കരയോഗാംഗങ്ങള്‍ക്ക് നിയമ സാങ്കേതിക പ്രശ്‌നങ്ങള്‍ക്ക് സാമ്പത്തിക ബാധ്യതയില്ലാതെ പരിഹാരനിര്‍ദേശങ്ങള്‍ ഇതിലൂടെ ലഭിക്കും. പൊന്‍കുന്നം എന്‍എസ്എസ് യൂണിയന്‍ പ്രസിഡന്‍റും നായകസഭാംഗവുമായ എം.എസ്. മോഹന്‍ സമ്മേളനം ഉദ്ഘാടനം ചെയ്തു.
കരയോഗം പ്രസിഡന്‍റ് എം.ഡി. ബേബി അധ്യക്ഷത വഹിച്ചു. എച്ച്ആര്‍ സെല്‍ യൂണിറ്റ് പത്തനംതിട്ട ജില്ലാ ഉപഭോക്തൃകോടതി പ്രസിഡന്‍റ് പി. സതീശ് ചന്ദ്രന്‍ നായര്‍ ഉദ്ഘാടനം ചെയ്തു. കണ്‍വീനര്‍ രഘു ബി. മേനോന്‍ പദ്ധതിവിശദീകരണം നടത്തി. എച്ച്ആര്‍ സെല്‍ യൂണിയന്‍ കോ-ഓര്‍ഡിനേറ്റര്‍ കെ.എസ്. വിജയകുമാര്‍, സമാജമൈത്രി യൂണിറ്റ് വൈസ്‌ചെയര്‍മാന്‍ ജഗൻമയലാല്‍, തഹസില്‍ദാര്‍ ജി. അജിത്കുമാര്‍, കെഎസ്ഇബി ഡപ്യൂട്ടി ചീഫ് എന്‍ജിനിയര്‍ സുരേഷ് ചന്ദ്, ചിറക്കടവ് വില്ലേജ് ഓഫീസര്‍ റോഷന്‍ ജെ. ജോര്‍ജ്, എച്ച്ആര്‍ സെല്‍ യൂണിയന്‍ പ്രതിനിധി രമാദേവി, കരയോഗം സെക്രട്ടറി പി.എസ്. ഗോപിക്കുട്ടന്‍ നായര്‍, വനിതാകരയോഗം പ്രസിഡന്‍റ് പുഷ്പലത എന്നിവര്‍ പ്രസംഗിച്ചു.
കാര്‍ഷികമേളയും കൂട്ടായ്മയും സംഘടിപ്പിച്ചു
10:31 PM Oct 06, 2018 | Deepika.com