ആരോപണം അടിസ്ഥാന രഹിതമെന്ന്
10:29 PM Oct 06, 2018 | Deepika.com
മുണ്ടക്കയം: ഗ്രാമപഞ്ചായത്ത് എട്ടാം വാർഡ് വണ്ടൻപതാൽ പത്ത് സെന്റ് പ്ലാന്റേഷൻ റോഡിനോട് വാർഡ് മെംബർ അവഗണന കാട്ടുന്നുവെന്ന ആരോപണം അടിസ്ഥാന രഹിതമെന്ന് കോൺഗ്രസ് വാർഡ് കമ്മിറ്റി. ഒരു കിലോമീറ്റർ വരുന്ന റോഡിന്റെ ഗതാഗത യോഗ്യമല്ലാതിരുന്ന അഞ്ഞൂറ് മീറ്റർ എംപി ഫണ്ടിൽ നിന്നും വാർഡ് മെംബറുടെ ഫണ്ടിൽ നിന്നും തുക അനുവദിച്ച് നിർമാണം പൂർത്തീകരിച്ചതും ബാക്കി ഭാഗത്തെ ജോലികൾ പൂർത്തീകരിക്കുവാൻ രണ്ടു ലക്ഷം അനുവദിച്ച് ടെൻഡർ നടപടി പൂർത്തീകരിച്ചിട്ടുള്ളതുമാണ്. ചില രാഷ്ട്രീയ കക്ഷികൾ നടത്തുന്ന നുണ പ്രചാരണങ്ങൾ അടിസ്ഥാന രഹിതമാണെന്നും വാർഡ് കമ്മിറ്റി അറിയിച്ചു. വാർഡ് പ്രസിഡന്റ് ബിജു കൊച്ചുപറമ്പിൽ അധ്യക്ഷത വഹിച്ചു. വാർഡ് മെംബർ രജനി ഷാജി, എബി പള്ളിത്താഴെ, കെ.സി ജോൺ, ശശി, തങ്കമ്മ, തുടങ്ങിയവർ പ്രസംഗിച്ചു.