ജബൽപുർ: മധ്യപ്രദേശിലും ആസാമിലും ഗുഡ്സ് ട്രെയിനുകൾ പാളം തെറ്റി. ആർക്കും പരിക്കില്ല. മധ്യപ്രദേശിൽ ജബൽപുരിനു സമീപം ഗുഡ്സ് ട്രെയിനിലെ രണ്ട് എൽപിജി വാഗണുകളാണ് പാളം തെറ്റിയത്.
ചൊവ്വാഴ്ച രാത്രിയായിരുന്നു സംഭവം. ഇന്നലെ വൈകുന്നേരത്തോടെ ട്രാക്കിലെ അറ്റകുറ്റപ്പണികൾ പൂർത്തിയാക്കി. അപകടമുണ്ടായതു സൈഡിംഗ് ലൈനിലായതിനാൽ ജബൽപുർ-ഇറ്റാർസി സെക്ഷനിലെ റെയിൽ ഗതാഗതത്തെ ബാധിച്ചില്ല.
ആസാമിൽ കാമ്രൂപ് ജില്ലയിലായിരുന്നു അപകടം. കൽക്കരി കയറ്റിയ ട്രെയിനിന്റെ 20 വാഗണുകൾ ബോക്കോയ്ക്കു സമീപം പാളം തെറ്റി. ബംഗാളിലെ അസൻസോളിൽനിന്നു കാമ്രൂപിലെ ടാടെലിയയിലേക്കാണു കൽക്കരി കൊണ്ടുപോയത്. അപകടത്തെത്തുടർന്ന് നാലു പാസഞ്ചർ ട്രെയിനുകൾ റദ്ദാക്കി.
മധ്യപ്രദേശിലും ആസാമിലും ഗുഡ്സ് ട്രെയിനുകൾ പാളംതെറ്റി
03:21 AM Jun 08, 2023 | Deepika.com