ന്യൂഡൽഹി: കൊതുകുതിരിയിൽനിന്നു പടർന്ന തീ വീടിനുള്ളിലേക്കു വ്യാപിച്ച് ഒരു കുടുംബത്തിലെ ആറുപേർ ശ്വാസം മുട്ടി മരിച്ചു. രണ്ടുപേർക്ക് പൊള്ളലേൽക്കുകയും ചെയ്തു. കഴിഞ്ഞദിവസം പുലർച്ചെ ഡൽഹിയിലെ ശാസ്ത്രിനഗർ മേഖലയിലെ മസർവാലയിലായിരുന്നു സംഭവം.
മരിച്ചവരിൽ നാലു പുരുഷന്മാരും ഒരു സ്ത്രീയും ആറുമാസം പ്രായമായ കുട്ടിയും ഉൾപ്പെടുന്നു. പരിക്കേറ്റ രണ്ടുപേരിൽ ഒരാൾ പതിനഞ്ചു വയസുള്ള ഒരു പെണ്കുട്ടിയും മറ്റേയാൾ പുരുഷനുമാണ്.
രാത്രിയിൽ കത്തിച്ചുവച്ചിരുന്ന കൊതുകുതിരി കിടക്കയിലേക്കു വീണ് വീടിനു തീപിടിക്കുകയായിരുന്നെന്നാണ് വിവരം.
കൊതുകു തിരിയിൽനിന്നു തീപടർന്ന് ആറു പേർ ശ്വാസംമുട്ടി മരിച്ചു
01:37 AM Apr 01, 2023 | Deepika.com