ബംഗളൂരു: മുൻ മുഖ്യമന്ത്രി സിദ്ധരാമയ്യയ്ക്കെതിരേ വരുണ മണ്ഡലത്തിൽ തന്റെ മകൻ ബി.വൈ. വിജയേന്ദ്ര മത്സരിക്കില്ലെന്നു ബി.എസ്. യെദിയൂരപ്പ. ശിക്കാരിപുരയിലാകും വിജയേന്ദ്ര മത്സരിക്കുകയെന്ന് യെദിയൂരപ്പ പറഞ്ഞു.
വിജയേന്ദ്രയെ വരുണയിൽ മത്സരിപ്പിക്കണമെന്ന സമ്മർദം നിലനിൽക്കുന്നുണ്ട്. എന്നാൽ, വരുണയിൽ മകൻ മത്സരിക്കുന്ന പ്രശ്നമില്ല. എന്റെ മണ്ഡലമായ ശിക്കാരിപുരയിലാകും വിജയേന്ദ്ര മത്സരിക്കുക-യെദിയൂരപ്പ പറഞ്ഞു. ശിക്കാരിപുരയിലെ സിറ്റിംഗ് എംഎൽഎയായ യെദിയൂരപ്പ തെരഞ്ഞെടുപ്പു രാഷ്ട്രീയത്തിൽനിന്നു വിരമിക്കുകയാണെന്നു പ്രഖ്യാപിച്ചിട്ടുണ്ട്.
വരുണയിൽ യെദിയൂരപ്പയുടെ മകൻ മത്സരിക്കില്ല
01:37 AM Apr 01, 2023 | Deepika.com