ഇൻഡോർ: മധ്യപ്രദേശിൽ ക്ഷേത്രക്കിണറിന്റെ മേൽത്തട്ട് തകർന്ന് മരിച്ചവരുടെ എണ്ണം 36 ആയി. പട്ടേൽ നഗറിലുള്ള ബലേശ്വർ മഹാദേവ് ഝുലേലാൽ ക്ഷേത്രത്തിൽ രാമനവമി ആഘോഷങ്ങളുടെ ഭാഗമായി ആളുകൾകൂട്ടംകൂടിയപ്പോൾ റിസർവോയറിനുമുകളിൽ സ്ഥാപിച്ച സ്ലാബുകൾ തകർന്നുവീഴുകയായിരുന്നു.
ഇന്നലെ കിണറ്റിൽനിന്ന് ഒരാളുടെ മൃതദേഹംകൂടി കണ്ടെടുത്തതോടയാണ് മരണസംഖ്യ 36 ആയി ഉയർന്നത്. 16 പേർ വിവിധ ആശുപത്രികളിലായി ചികിത്സയിലാണ്. മജിസ്ട്രേറ്റ്തല അന്വേഷണത്തിനും ഉത്തരവിട്ടു. ഇന്നലെ ക്ഷേത്രം സന്ദർശിച്ച മുഖ്യമന്ത്രി ശിവരാജ് സിംഗ് ചൗഹാനെ ഒരു വിഭാഗം ആളുകൾ തടഞ്ഞത് സംഘർഷത്തിനിടയാക്കി.
ഇൻഡോറിലെ ക്ഷേത്രകിണർ ദുരന്തം: മരണം 36 ആയി
01:37 AM Apr 01, 2023 | Deepika.com