ബംഗളൂരു: വ്യക്തമായ ഭൂരിപക്ഷത്തോടെ ബിജെപി അധികാരം നിലനിർത്തുമെന്ന് കർണാടക മുഖ്യമന്ത്രി ബസവ്രാജ് ബൊമ്മെ. ഞങ്ങൾ വളരെ വഴിത്തിരിവായ ഒരു തീരുമാനമെടുത്തിട്ടുണ്ട്. അതുവഴി കോൺഗ്രസിന്റെ വോട്ടുബാങ്ക് തകരും. ഇതു മുന്നിൽക്കണ്ടാണ് തരംതാണ ആരോപണങ്ങളുമായി അവർ രംഗത്തുവന്നിരിക്കുന്നതെന്നും ബൊമ്മെ ചൂണ്ടിക്കാട്ടി.
ജനങ്ങൾക്ക് കൂടുതൽ ഉപകാരപ്രദമാകാൻ വേണ്ടിയാണ് പട്ടികജാതിയിൽ ആഭ്യന്തര സംവരണം കൊണ്ടുവന്നത്. ഇതേക്കുറിച്ച് അടിസ്ഥാനരഹിതമായ ആരോപണങ്ങളാണ് പ്രതിപക്ഷം പ്രചരിപ്പിക്കുന്നത്.
ബിജെപിസർക്കാർ അഴിമതിയൊന്നും നടത്തിയിട്ടില്ല. കോൺഗ്രസാണ് അഴിമതി നടത്തിയത്. പാർട്ടി വ്യക്തമായ ഭൂരിപക്ഷത്തോടെ അധികാരം നിലനിർത്തുമെന്ന കാര്യത്തിൽ ശുഭാപ്തിവിശ്വാസമുണ്ട്. സംസ്ഥാനത്തിന്റെ വികസനമാണ് തങ്ങളുടെ പ്രധാന അജൻഡയെന്നും ബൊമ്മെ വ്യക്തമാക്കി.
അധികാരം നിലനിർത്തും: ബിജെപി
01:54 AM Mar 30, 2023 | Deepika.com