ന്യൂഡൽഹി: മുൻ കോണ്ഗ്രസ് നേതാവും ബിജെപി കേന്ദ്രമന്ത്രിയുമായ ജ്യോതിരാദിത്യ സിന്ധ്യ ശുദ്ധചതിയനെന്നു കോണ്ഗ്രസ് നേതാവ് ജയ്റാം രമേശ്.
സമാജ്വാദി പാർട്ടിയിലേക്കു ചേക്കേറിയിട്ടും കോണ്ഗ്രസിനെ കുറിച്ച് മോശമായി എവിടെയും പരാമർശം നടത്തിയിട്ടില്ലാത്ത കപിൽ സിബലിനെ പോലെയുള്ള നേതാക്കൾ പാർട്ടിയിലേക്കു തിരികെ വന്നാൽ സ്വീകരിക്കും.
എന്നാൽ, ജ്യോതിരാദിത്യ സിന്ധ്യയെ പോലുള്ള നേതാക്കളെ തിരികെ സ്വീകരിക്കാനാകില്ല. പാർട്ടിയിലേക്ക് തിരികെ വരാൻ ആഗ്രഹിക്കുന്ന നേതാക്കളോടുള്ള നിലപാടിനെക്കുറിച്ചുള്ള ചോദ്യത്തിലാണ് കോണ്ഗ്രസ് മാധ്യമ വിഭാഗം തലവൻ ജയ്റാം രമേശിന്റെ പ്രതികരണം.
പാർട്ടി ഉപേക്ഷിച്ചു പോവുകയും തുടർന്ന് പാർട്ടിയെ അപമാനിക്കുകയും ചെയ്തവർ തിരികെ വരുന്നതു കാണാൻ ആഗ്രഹിക്കുന്നില്ല. മധ്യപ്രദേശിലേക്കു കടന്ന ഭാരത് ജോഡോ യാത്രയിൽ കോണ്ഗ്രസ് നേതാവ് രാഹുൽ ഗാന്ധിയോടു ചേർന്നു മാധ്യമങ്ങളുമായി നടത്തിയ കൂടിക്കാഴ്ചയിലാണ് ജയ്റാം രമേശിന്റെ പ്രതികരണം.
ജ്യോതിരാദിത്യ സിന്ധ്യ ശുദ്ധ ചതിയനെന്ന് ജയ്റാം രമേശ്
01:55 AM Dec 03, 2022 | Deepika.com