ആർഎൽഡി നേതാക്കൾ ബിജെപിയിൽ
02:43 AM Nov 28, 2022 | Deepika.com
മീററ്റ്: ഉത്തർപ്രദേശിലെ മുൻ രാഷ്ട്രീയ ലോക്ദൾ (ആർഎൽഡി) എംഎൽഎമാർ ബിജെപിയിൽ. മുൻ എംഎൽഎമാരായ ചൗധരി യശ്വ്വീർ സിംഗും സുധേഷ് ശർമയുമാണ് അനുയായികൾക്കൊപ്പം ബിജെപിയിൽ ചേർന്നത്. ബിജെപി സംസ്ഥാന അധ്യക്ഷൻ ഭൂപീന്ദർ സിംഗ് ചൗധരിയുടെ സാന്നിധ്യത്തിലായിരുന്നു ചൗധരി യശ്വ്വീർ സിംഗിന്റെ ബിജെപിയിലേക്കുള്ള കടന്നുവരവ്. വർത്തമാനകാല രാഷ്ട്രീയത്തിലെ വെല്ലുവിളികളെ നേരിടാൻ കഴിവില്ലാത്തവരാണ് ബിജെപിയിലേക്കു പോകുന്നതെന്ന് ആർഎൽഡി പ്രതികരിച്ചു.