ന്യൂഡൽഹി: ആർട്ട് ഓഫ് ലിവിംഗ് ഫൗണ്ടേഷന്റെ സ്ഥാപകൻ രവിശങ്കർ വികസിപ്പിച്ച ധ്യാനവും മാനസികാരോഗ്യവും എന്ന വിഷയത്തിൽ ക്ലാസുകൾ സംഘടിപ്പിക്കാൻ സർവകലാശാലകളോടും കോളജുകളോടും ആവശ്യപ്പെട്ട് യുജിസി.
മാനസികാരോഗ്യം കൈവരിക്കുന്നതിന്റെ ഭാഗമായി കുട്ടികളെയും അധ്യാപകരെയും ക്ലാസുകളിൽ പങ്കെടുക്കാൻ പ്രോത്സാഹിപ്പിക്കണമെന്നാണ് യുജിസിയുടെ നിർദേശം.
ആസാദി കാ അമൃത് മഹോത്സവത്തിന്റെ ഭാഗമായി എല്ലാ വീട്ടിലും ധ്യാനം കാന്പയിനിന്റെ ഭാഗമായി സാംസ്കാരിക മന്ത്രാലയവുമായി സഹകരിച്ച് ആർട്ട് ഓഫ് ലിവിംഗ് ഫൗണ്ടേഷനാണ് കോഴ്സ് വികസിപ്പിച്ചത്. കോളജുകളും സർവകലാശാലകളും മെഡിറ്റേഷൻ അംബാസഡർമാരെ നിയമിക്കാനും യുജിസി ആവശ്യപ്പെട്ടു.
ധ്യാനവും മാനസികാരോഗ്യവും: ക്ലാസുകൾ സംഘടിപ്പിക്കണമെന്ന് യുജിസി
01:57 AM Nov 26, 2022 | Deepika.com