ന്യൂഡൽഹി: എവറസ്റ്റ് കൊടുമുടി കീഴടക്കിയ മലയാളിയും കേരള ധനകാര്യ വകുപ്പിലെ സീനിയർ ഗ്രേഡ് അസിസ്റ്റന്റുമായ ഷെയ്ഖ് ഹസൻ ഖാന് ഡൽഹിയിലെ കേരള ഹൗസിൽ സ്വീകരണം നൽകി. പന്തളം സ്വദേശിയായ ഷെയ്ഖ് ഹസൻ ഖാൻ മേയ് 15നാണ് എവറസ്റ്റ് കൊടുമുടി കീഴടക്കിയത്.
സ്വാതന്ത്ര്യത്തിന്റെ 75-ാമത് വാർഷികാഘോഷത്തിന്റെ ഭാഗമായി എവറസ്റ്റിലെ ബേസ് ക്യാന്പിൽ ദേശീയ പതാക ഉയർത്തിയിട്ടാണ് ഹസൻ ഖാൻ മടങ്ങിയത്. അഭിമാനനേട്ടം കൈവരിച്ച ഹസൻ ഖാന് ഡൽഹി കേരള ഹൗസിൽ നൽകിയ സ്വീകരണത്തിൽ ഗവർണർ ആരിഫ് മുഹമ്മദ് ഖാൻ, കേരള ഹൗസ് റെസിഡന്റ് കമ്മീഷണർ സൗരഭ് ജെയിൻ, കണ്ട്രോളർ രാഹുൽ ജയ്സ്വാൽ തുടങ്ങിയവർ പങ്കെടുത്തു. അഭിമാനംനേട്ടം കൈവരിച്ച ഹസൻ ഖാനെ അനുമോദിച്ച ഗവർണർ കേരള സമൂഹത്തിന്റെ അനുകന്പയെയും സഹജീവി സ്നേഹത്തെയും പ്രകീർത്തിച്ച് സംസാരിച്ചു. എവറസ്റ്റ് കീഴടക്കിയ 13 അംഗ സംഘത്തിലെ ഏക മലയാളിയാണ് ഹസൻ ഖാൻ.
എവറസ്റ്റ് കീഴടക്കിയ ഷെയ്ഖ് ഹസൻ ഖാന് സ്വീകരണം
03:35 AM May 24, 2022 | Deepika.com