ന്യൂഡൽഹി: കഴിഞ്ഞ വർഷം ദിവസവും മധ്യപ്രദേശിൽ കാണാതായത് 29 കുട്ടികളെ. രാജസ്ഥാനിൽ ദിവസവും 14 കുട്ടികളെ കാണാതായി. ബാലാവകാശ സന്നദ്ധസംഘടനയായ ചൈൽഡ് റൈറ്റ്സ് ആൻഡ് യു(സിആർവൈ) ആണ് ഈ റിപ്പോർട്ട് പുറത്തുവിട്ടിരിക്കുന്നത്.
2021ൽ ഡൽഹിയിലെ എട്ടു പോലീസ് ജില്ലകളിൽനിന്നായി ദിവസവും അഞ്ചു കുട്ടികളെ കാണാതായി. ഉത്തർപ്രദേശിൽ ദിവസവും എട്ടു കുട്ടികളാണു കാണാതായവരുടെ പട്ടികയിലുള്ളത്. ആൺകുട്ടികളുടെ അഞ്ചിരട്ടി എണ്ണം പെൺകുട്ടികളെയാണ് മധ്യപ്രദേശിലും രാജസ്ഥാനിലും കാണാതായത്. 2021ൽ മധ്യപ്രദേശിൽ കാണാതായ കുട്ടികളുടെ എണ്ണം 10,638 ആണ്. തലേവർഷം ഇത് 8751 ആയിരുന്നു. രാജസ്ഥാനിൽ 2021ൽ 5354 കുട്ടികളെ കാണാതായി. 2020ൽ ഇത് 3179 ആയിരുന്നു. യുപിയിലും ഡൽഹിയിലും കാണാതായ കുട്ടികളിൽ പെൺകുട്ടികളാണു മുന്നിൽ.
2021ൽ മധ്യപ്രദേശിൽ ദിവസവും കാണാതായത് 29 കുട്ടികളെ
01:00 AM May 23, 2022 | Deepika.com