മുംബൈ: ഷീന ബോറ വധക്കേസിൽ ശിക്ഷിക്കപ്പെട്ട് ആറുവർഷത്തിലേറെയായി തടവുശിക്ഷ അനുഭവിക്കുന്ന മുൻ മീഡിയ എക്സിക്യുട്ടീവ് ഇന്ദ്രാണി മുഖർജി ജയിൽമോചിതയായി.
പ്രത്യേക സിബിഐ കോടതി ആവർത്തിച്ച് ജാമ്യം നിഷേധിച്ചതിനെത്തുടർന്നു സുപ്രീംകോടതിയെ സമീപിച്ച ഇന്ദ്രാണിക്ക് ഉപാധികളോടെ ജാമ്യം അനുവദിക്കുകയായിരുന്നു.
ഇന്നലെ അഞ്ചരയോടെ മുംബൈയിലെ ബൈക്കുള വനിതാ ജയിലിനു പുറത്തെത്തിയ ഇന്ദ്രാണിയെ സ്വീകരിക്കാൻ അഭിഭാഷകൻ ജയിലിനുപുറത്ത് എത്തിയിരുന്നു.
ആദ്യ വിവാഹത്തിലെ മകളായ ഷീന ബോറയെ കൊലപ്പെടുത്തിയ കേസിലാണ് ഇന്ദ്രാണി ശിക്ഷിക്കപ്പെട്ടത്. മുൻ ഭർത്താവ് സഞ്ജീവ് ഖന്ന, ഡ്രൈവർ ശ്യാംവാർ രാജ് എന്നിവരും ഇന്ദ്രാണിക്കൊപ്പം അറസ്റ്റിലായിരുന്നു.
ഇന്ദ്രാണി മുഖർജി ജയിൽ മോചിതയായി
01:02 AM May 21, 2022 | Deepika.com