ഗോൽപാറ: ആസാമിൽ സ്കൂളിൽ ബീഫ്കറി കൊണ്ടുവന്നതിനു ഹെഡ്മിസ്ട്രസിനെ അറസ്റ്റ് ചെയ്തു ജയിലിലടച്ചു. ഡാലിമാൻ നെസയെയാണ് ജയിലിലായത്. മേയ് 11 മുതൽ 14 വരെ നടന്ന ഗുണോത്സവ് 2022 പരിപാടിക്കിടെ ഉച്ചഭക്ഷണത്തോടൊപ്പം ബീഫ്കറി കൊണ്ടുവന്നതിനാണ് ഡാലിമാൻ നെസയ്ക്ക് അറസ്റ്റും ജയിൽവാസവും അനുഭവിക്കേണ്ടിവന്നത്. മേയ് 16നാണ് ഹെഡ്മിസ്ട്രസിനെ അറസ്റ്റ് ചെയ്തത്. ഹുർകാചുംഗി മിഡിൽ ഇംഗ്ലീഷ് മീഡിയം സ്കൂൾ മാനേജ്മെന്റ് കമ്മിറ്റിയുടെ പരാതിപ്രകാരമാണ് ഹെഡ്മിസ്ട്രസിനെതിരേ കേസെടുത്തത്.
ആസാമിൽ ബീഫ് കഴിക്കുന്നതു കുറ്റകരമല്ല. അതേസമയം, ആസാം കന്നുകാലി സംരക്ഷണ നിയമം, 2021 പ്രകാരം, ഹിന്ദു, ജൈന, സിക്ക് വിഭാഗങ്ങൾ ഭൂരിപക്ഷമുള്ള പ്രദേശങ്ങളിലും ക്ഷേത്രത്തിന്റെയും വൈഷ്ണവ ആശ്രമങ്ങളുടെയും അഞ്ചു കിലോമീറ്റർ ചുറ്റളവിവും കന്നുകാലി കശാപ്പും ബീഫ് വില്പനയും നിരോധിച്ചിട്ടുണ്ട്.
സ്കൂളിൽ ബീഫ്കറി കൊണ്ടുവന്നതിന് ഹെഡ്മിസ്ട്രസിനെ ജയിലിലടച്ചു
02:16 AM May 20, 2022 | Deepika.com