ഇറ്റാനഗർ: അരുണാചൽപ്രദേശിലെ ഇറ്റാനഗറിൽ കനത്തമഴയെത്തുടർന്നുണ്ടായ മണ്ണിടിച്ചിലിൽ നാലു പേർ മരിച്ചു. വീടിനുമുകളിലേക്കു മണ്ണിടിഞ്ഞുവീണുണ്ടായ ദുരന്തത്തിൽ രണ്ടുപേരും മോട്ടോർസൈക്കിളിൽ യാത്ര ചെയ്യുകയായിരുന്ന രണ്ടു പേരുമാണു മരിച്ചത്.
ഞായറാഴ്ച രാത്രി ലോവർ സിയാംഗ് ജില്ലയിലെ ലികാബല്ലിയിലും ആലുവിലുമാണു മണ്ണിടിച്ചിലുണ്ടായത്. ഒരാളെ കാണാതായി. മൂന്നുപേർക്ക് പരിക്കേറ്റു. ഗംഗ ജൂലി ബസ്തി റോഡിൽ ചെളിയിൽ പുതഞ്ഞ മോട്ടോർസൈക്കിളിൽനിന്നു യാത്രക്കാരെ രക്ഷപ്പെടുത്താൻ ശ്രമിക്കുന്നതിനിടെയുണ്ടായ മണ്ണിടിച്ചിലിലാണു രണ്ടുപേർ മരിച്ചത്.
മണ്ണിടിച്ചിൽ; അരുണാചലിൽ നാലു പേർ മരിച്ചു
01:46 AM May 17, 2022 | Deepika.com