ചെന്നൈ: തമിഴ്നാട്ടിലെ രാജ്യസഭാ തെരഞ്ഞെടുപ്പിനുള്ള മൂന്നു സ്ഥാനാർഥികളെ ഡിഎംകെ പ്രഖ്യാപിച്ചു. ഒരു സീറ്റ് സഖ്യകക്ഷിയായ കോൺഗ്രസിനു നല്കി. ആറു സീറ്റുകളിലേക്കാണു തെരഞ്ഞെടുപ്പ് നടക്കുക. ഇതിൽ മൂന്നെണ്ണം വീതം ഡിഎംകെ, അണ്ണാ ഡിഎംകെ പാർട്ടികളുടെ സിറ്റിംഗ് സീറ്റുകളാണ്.
സിറ്റിംഗ് എംപി കെ.ആർ.എൻ. രാജേഷ്കുമാർ, തഞ്ചൈ സു കല്യാണസുന്ദരം, പാർട്ടി ലീഗൽ വിംഗ് സെക്രട്ടറി ആർ. ഗിരിരാജൻ എന്നിവരാണു ഡിഎംകെ സ്ഥാനാർഥികൾ.
കോൺഗ്രസിന് ഒരു സീറ്റ് നല്കാമെന്ന് 2021 തെരഞ്ഞെടുപ്പിനു മുന്പു ഡിഎംകെ സമ്മതിച്ചിരുന്നതാണ്. കോൺഗ്രസ് സീറ്റിനെച്ചൊല്ലി കലഹം ഉറപ്പാണ്. മുൻ കേന്ദ്രമന്ത്രി പി. ചിദംബരം ഉൾപ്പെടെയുള്ളവർ സീറ്റിനായി ശ്രമിക്കുന്നുണ്ട്.
രാജ്യസഭ: ഡിഎംകെ സ്ഥാനാർഥികളെ പ്രഖ്യാപിച്ചു
02:09 AM May 16, 2022 | Deepika.com