ന്യൂഡൽഹി: ഡൽഹിയിൽ ഉഷ്ണതരംഗം രൂക്ഷമാകുന്നു. കഴിഞ്ഞ രണ്ടുദിവസമായി ഡൽഹിയിലെ വിവിധ ഇടങ്ങളിൽ രേഖപ്പെടുത്തിയ കൂടിയ താപനില 45 ഡിഗ്രിയിലും കൂടുതലാണ്. ശരാശരി താപനില ക്രമാതീതമായി ഉയർന്നതിനെ തുടർന്ന് നഗരത്തിൽ ഓറഞ്ച് അലർട്ട് പ്രഖ്യാപിച്ചു.
മാർച്ച്, ഏപ്രിൽ മാസങ്ങൾക്ക് ശേഷം അഞ്ചാമത്തെ ഉഷ്ണ തരംഗമാണ് ഡൽഹിയിൽ ഇപ്പോൾ നേരിടുന്നത്. കഴിഞ്ഞ 72 വർഷങ്ങൾക്കുള്ളിൽ രേഖപ്പെടുത്തിയ ഏറ്റവും ഉയർന്ന താപനിലയാണ് ഇപ്പോൾ ഡൽഹിയിൽ. ഒരു പ്രദേശത്ത് പരമാവധി 45 ഡിഗ്രി സെൽഷ്യസിൽ കൂടുതൽ താപനില രേഖപ്പെടുത്തുന്പോഴാണ് ഉഷ്ണതരംഗം പ്രഖ്യാപിക്കുന്നത്. പരമാവധി താപനില 47 ഡിഗ്രി സെൽഷ്യസ് കടന്നാൽ കടുത്ത ഉഷ്ണതരംഗം പ്രഖ്യാപിക്കും. ഇത്തവണ പരമാവധി താപനില 46 മുതൽ 47 ഡിഗ്രി വരെ എത്തുമെന്നാണ് കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്.
ഡൽഹിയിൽ ഓറഞ്ച് അലർട്ട്; താപനില 45 ഡിഗ്രിയും കടന്നു
01:24 AM May 15, 2022 | Deepika.com