ബംഗളൂരു: കോവിഡിന്റെ ഒമിക്രോൺ വകഭേദം ലോകമെന്പാടും ആശങ്ക സൃഷ്ടിക്കുന്നതിനിടെ ബംഗളൂരുവിലെത്തിയ രണ്ടു ദക്ഷിണാഫ്രിക്കൻ സ്വദേശികൾക്കു കോവിഡ് സ്ഥിരീകരിച്ചു.
ഇവരുടെ സാന്പിളുകൾ വിദഗ്ധപരിശോധനയ്ക്കായി അയച്ചുവെന്ന് അധികൃതർ പറഞ്ഞു. രണ്ടുപേരും ക്വാറന്റൈനിൽ തുടരുകയാണെന്നും ആശങ്കയ്ക്കു വകയില്ലെന്നുമാണു വിശദീകരണം.
ഈ മാസം ഒന്നുമുതൽ 26 വരെയുള്ള കാലത്ത് ദക്ഷിണാഫ്രിക്കയിൽനിന്ന് 94 പേരാണ് ബംഗളൂരുവിലെത്തിയത്. ഇതിൽ രണ്ടുപേർക്കാണ് കോവിഡ് സ്ഥിരീകരിച്ചത്. പരിശോധനയിൽ ഫലം നെഗറ്റീവായാലും ഇവരോടു താമസസ്ഥലത്തു തുടരാൻ നിർദേശിക്കും.
ബംഗളൂരുവിൽ ദക്ഷിണാഫ്രിക്കൻ സ്വദേശികൾക്കു കോവിഡ്
12:46 AM Nov 28, 2021 | Deepika.com