ന്യൂഡൽഹി:ലോക്സഭയിലെ കോൺഗ്രസ് നേതൃത്വത്തിൽ മാറ്റമുണ്ടാകുമെന്ന റിപ്പോർട്ടുകൾ അപക്വമെന്നു മുതിർന്ന കോൺഗ്രസ് നേതാക്കൾ. പശ്ചിമബംഗാൾ പ്രദേശ് കോൺഗ്രസ് കമ്മിറ്റി അധ്യക്ഷനും ലോക്സഭയിലെ കക്ഷിനേതാവുമായ അധിർ രഞ്ജൻ ചൗധരിയെ മാറ്റാൻ നേതൃത്വം തയാറെടുക്കുന്നുവെന്ന വാർത്തളാണ് നേതാക്കൾ തള്ളിക്കളഞ്ഞത്. ഈമാസം 19നു മൺസൂൺ സമ്മേളനം ആരംഭിക്കാനിരിക്കെ പുതിയ നേതാവിനെ തെരഞ്ഞെടുക്കാൻ കോൺഗ്രസ് തയാറെടുക്കുന്നുവെന്നായിരുന്നു റിപ്പോർട്ടുകൾ.
നേതൃമാറ്റം ആലോചനയിലില്ലെന്ന് നിരവധി മുതിർന്ന നേതാക്കൾ സ്ഥിരീകരിച്ചു. എന്നാൽ, റിപ്പോർട്ടിനോടു പ്രതികരിക്കാൻ കോൺഗ്രസ് വക്താവ് പവൻ ഖേര തയാറായില്ല.
ലോക്സഭയിലെ നേതൃമാറ്റം നിഷേധിച്ച് കോൺഗ്രസ്
12:47 AM Jul 05, 2021 | Deepika.com