റാഞ്ചി: ജാർഖണ്ഡിലെ ഗുംല ബിഷപ് പോൾ അലോയിസ് ലാക്ര (65) അന്തരിച്ചു. കോവിഡിനെത്തുടർന്നായിരുന്നു അന്ത്യം. ഇന്ത്യയിൽ കോവിഡ് ബാധിച്ചു മരിച്ച നാലാമത്തെ ബിഷപ്പാണു പോൾ ലാക്ര. സംസ്കാരം ഇന്ന് രാവിലെ പത്തിന് ഗുംല സെന്റ് പാട്രിക് കത്തീഡ്രലിൽ.
1955ൽ ജനിച്ച പോൾ ലാക്ര 1988ൽ റാഞ്ചി അതിരൂപതയിൽ വൈദികനായി. 2006 ജനുവരി 28നു ഗുംലയിലെ രണ്ടാമത്തെ ബിഷപ്പായി അഭിഷിക്തനായി.
സാഗർ രൂപത മുൻ ബിഷപ് മാർ ജോസഫ് പാസ്റ്റർ നീലങ്കാവിൽ, പോണ്ടിച്ചേരി-കടലൂർ മുൻ ബിഷപ് ആന്റണി ആനന്ദരായർ, ജാബുവ ബിഷപ് ബേസിൽ ഭൂരിയ എന്നിവരാണു കോവിഡ് ബാധിച്ചു മരിച്ച മറ്റ് ഇന്ത്യൻ ബിഷപ്പുമാർ.
ഗുംല ബിഷപ് പോൾ ലാക്ര അന്തരിച്ചു
02:04 AM Jun 16, 2021 | Deepika.com