കോവിഡ് രണ്ടാം തരംഗത്തിൽ 270 ഡോക്ടർമാർ മരിച്ചെന്ന് ഐഎംഎ
01:07 AM May 19, 2021 | Deepika.com
ന്യൂഡൽഹി: കോവിഡ് രണ്ടാം തരംഗത്തിൽ രാജ്യത്ത് 270 ഡോക്ടർമാർ മരിച്ചെന്ന് ഐഎംഎ. മുൻ ഐഎംഎ അധ്യക്ഷൻ ഡോ. കെ.കെ. അഗർവാളും കോവിഡിനിരയായവരിൽ ഉൾപ്പെടുന്നു. ബിഹാറിലാണ് രണ്ടാം തരംഗത്തിൽ ഏറ്റവും അധികം ഡോക്ടർമാരി മരിച്ചത്-78. ഉത്തർപ്രദേശ്(37), ഡൽഹി(29), ആന്ധ്രപ്രദേശ്(22) എന്നിങ്ങനെയാണു മറ്റു സംസ്ഥാനങ്ങളിലെ കണക്ക്. കോവിഡിന്റെ ഒന്നാം തരംഗത്തിൽ രാജ്യത്ത് 748 ഡോക്ടർമാർ മരിച്ചിരുന്നു.