കോൽക്കത്ത: ബംഗാളിൽ തെരഞ്ഞെടുപ്പ് ഫലപ്രഖ്യാപനത്തെത്തുടർന്നുണ്ടായ സംഘർഷത്തെക്കുറിച്ച് അന്വേഷിക്കാൻ കേന്ദ്ര ആഭ്യന്തര മന്ത്രാലയത്തിൽനിന്നുള്ള നാലംഗ സംഘം ബംഗാളിലെത്തി. ആഭ്യന്തര മന്ത്രാലയം അഡീഷണൽ സെക്രട്ടറിയുടെ നേതൃത്വത്തിലുള്ള സംഘം സെക്രട്ടേറിയറ്റിലെത്തി സംസ്ഥാന ആഭ്യന്തര സെക്രട്ടറി, ഡിജിപി എന്നിവരുമായി കൂടിക്കാഴ്ച നടത്തി.
സംസ്ഥാനത്തെ സ്ഥിതിഗതികൾ സംഘം വിലയിരുത്തും. വിവിധ പ്രദേശങ്ങളിലും സന്ദർശനം നടത്തും. ബംഗാളിൽ മേയ് രണ്ടിനുശേഷമുണ്ടായ സംഘർഷത്തിൽ 16 പേരാണു മരിച്ചത്. നിരവധി വീടുകൾ ആക്രമിക്കപ്പെട്ടു.
സംഘർഷം: കേന്ദ്ര ആഭ്യന്തര മന്ത്രാലയ സംഘം ബംഗാളിലെത്തി
12:50 AM May 07, 2021 | Deepika.com